تويت
نُبل محمود مرسي يمنح جميل راتب دور العمر
من اللي حكاه الناقد طارق الشناوي عن مسلسل "الراية البيضا" ان دور "مفيد أبو الغار" اللي قدمه جميل راتب في المسلسل كان المفروض يقدمه محمود مرسي، لكن محمود مرسي بعد ما قرأ السيناريو اعتذر عنه و قال لاسامة انور عكاشة ومحمد فاضل قالهم :"الدور بينادي صاحبه وصاحبه بلا منازع هو جميل راتب"
عكاشة وفاضل مخدوش برأي محمود مرسي وراحوا عرضوا الدور على كمال الشناوي اللي رفضه برضو، فمفضلش قدامهم غير جميل راتب، وافق جميل على الدور وقدم به واحد من أهم اعماله الدرامية على الاطلاق مش بس كتمثيل ولكن كمان كجماهيرية
بعد النجاح الكبير للمسلسل جميل راتب عرف ان محمود مرسي اعتذر عن الدور ورشحه له فراح له بنفسه وشكره مش بس على ترشيحه ولكن كمان على ثقته في ان محدش هيعمل الدور زيه وقد كان ❤️
المصدر : الناقد "طارق الشناوي"