تويت
Meme S Makhlouf
٤ يوليو ·
دوستويفسكي بقول : " لا سبيل إلى إصلاح إنسان بسوء المعاملة".
ذكرتني هالجملة بعدة مراحل من حياتي رح احكي المهم منها :
• وأنا صغيرة كنت حاول جيب علامات تامة لارضي ماما ودايماً باخد بس بالرياضيات ٩، ضليت هيك حاول لجبت بكل شي تامة ع مدار سنتين، بس ماما مارضيت!
وحكتلي : حتى لو جبتي تامة انتي لسه مو شاطرة وبدك تشدّي ع حالك كمان.
صرت ماعاد اهتم بالدراسة ومتل قلتا صارت عندي
• بالجامعة اترفَّعت أوَّل سنة بترفُّع إداري وكنت كتير مبسوطة واجيت عم قول لبابا، قلي بس هيك!؟
بعدا صارت ماتفرق معي ترفَّعت ولا لا.
• لما فتت إعلام ومتحمّسة وسجلت دورات إلقاء، حبو أسلوبي وصوتي
بس حكالي : الكوتش لهجتك صعبة ماخرج تشتغلي هون بدِّك قناة عراقية!
اخدت الشهادة وزتيتا لأن متل قلتا هون!
• كتبت أول مقال من سنتين وكان عن التحرُّش, ماعندي اسلوب وقاموسي للكلمات كتير بسيط، بس تعبت ودوَّرت بالدستور والقوانين, لجمَّعت معلومات ونشرت القناة المقال ولما ورجيتو لرفيقي بيشتغل بالتَّحرير, حكالي : شوو هالركاكة وكمان نشرولك ياه!
حاولت بعدا أكتب بس ماضل عندي حماس.
مع إنو المقال عجب وزير الإعلام بوقتا وسأل مدير القناة عن الشخص اللي كاتبو، واجيت فرحانة عم قول لماما، حكتلي" هلا بيقول مين هي قليلة الترباية اللي بتكتب هيك شي"
عنجد بعدا بطلت اكتب.
وغيرن كتير مواقف.
قد ماكانت بسيطة وسخيفة بنظر البعض بس كبيرة بنظري وأثرت فيني
مابعرف ليش منقلل من قيمة شخص لندفعوا للأمام (هيك منفكِّر) ومنعتبرا نصيحة أو نقد بناء.
شو رح تستفيد إذا نقدتني بطريقة جارحة غير إني حَ أنفر منك وغير إنك حَ تطفيني؟
واخيراً بتقول إيلاف :
"النصيحة والنقد وجهان لعملة واحدة، دعها في جيبك"
تابعونا على انستغرام : instagram.com/dakhil.outsider
تابعونا على التلغرام : t.me/s/dakhil1
#ÉVe
دخيل_outsider