تويت
حكايات مصريه
٢٠ ديسمبر، الساعة ٣:٣٥ م ·
سعيد صالح في لقاء تلفزيوني قديم
المذيعة بتسأله وكان وقتها لسة خارج من السجن، فبتقوله: السجن أحسن ولا بره؟
"قالها: بصي، السجن كل شيء فيه واضح، فلان ده تاجر مخدرات، فلان ده قتال قتله، فلان ده حرامي وهجام، فلان ده قواد ده بتاع مصلحته ده ، فلان ده مظلوم وبريء
كنا بنتلم على حصيرة ونصلي كلنا ونقول يارب، كل حاجة هناك واضحة جدًا ومحدش بيلبس توب مش بتاعه ويقول أنا شريف وهو قواد، ولا الحرامي بيقول إنه أمين ولا بتاع المخدرات بيغسل أموال ويبني عمارات تقع ع الناس. السجن هو العالم الحقيقي النقي
لدرجة إننا كنا بنتخيل إنهم عاملين أسوار وحاطين حرس بسلاح عشان يحمونا من السجن الكبير والعالم الكداب اللي بره، أنا خرجت أهو، بس بروح أزورهم لإنهم ناس حقيقية مش مزيفين
