تويت
بلادي
****
بلادي الحلا خلقان بين تلالها
ونور الشمس غفيان فوق جبالها
بلادي الحضارة والمحبة والسلام
وما في حدا بالعز.... فيه يطالها
بلادي جداول حب وبساتين
ومروج خضر وطيب ورياحين
ضحكات هالجوري والحساسين
بتطيّب النسمات ع موالها
بلادي السعادة والهنا بلادي النعيم
ومواسم العشاق.. والحب القديم
بتفرّح المهموم... وبتشفي السقيم
يا بخت كلمين عاش فوق ترابها
بلادي الهوا.. بلادي الدفا بلادي الأمان
حكاية عجيبة... عجز عن وصفا الزمان
غفوة زغيرة بفي السنديان
بتسوى الدني......كل الدني ورسمالها.
هيثم وطفة
طرطوس/سوريا