امبارح الراوتر وقع على الأرض والواى فاي توقف عن البيت

كان يوم أسود يوم ما عملو النت.
امبارح الراوتر وقع على الأرض والواى فاي توقف عن البيت كله قلت خير وبركة افك شوية من النت خرجت من غرفتي وعملت فنجان قهوة وقعدت في الصالة شوية ولقيت ابني خارج من غرفته ، واول ما شافني احضان وبوس وعمل شاى وقعدنا ندردش شوية اخبارك ايه يا بني وخطبت ولا لسه وشغال فين و و راح مقاطعنى وقال: سيبك من اخباري ، حضرتك عامل ايه ، واجازة النهاردة من الشغل ولا مزوغ؟
قلت له : لا ده انا طلعت معاش من سنتين ، وأنت فين دلوقتي؟ قاللى انا اتخرجت ودخلت الجيش وقربت أخلص حضرتك وحشتنى يابابا بس والله شكلك متغيرش كتير عن زمان هي بس شوية الشعر الأبيض .
المهم ، القعدة طولت وخرج إبني الصغير من اوضته وانضم للقعدة شوية وجرس الباب رن لقيت ابني الكبير داخل هو ومراته وابنه الصغير (حفيدي) انا كنت ناسيهم
ما شاء الله ، ابني الكبير اتخرج واشتغل ، وآخر العنقود اللى لسه كنت مقدم له في الحضانة بقي في الاعدادية .
المفاجأة الحلوة بقي لما لقيت باب غرفة مراتي بيزيق وبيفتح بالعافية ، وشوية لقيت مراتي جنبي وهاتك يابوس وعياط انت هنا في مصر؟ وانا معرفش؟
انا فاكراك لسه في الشغل قلت لها انا طلعت معاش من زمان بس انتى ما شاء الله عليكي وكأن الزمن ملوش دعوة بيكي.
لسه كانت مراتي بتقترح نتغدا سوا بالمناسبة الحلوة دي ، لكن يا خسارة اشارة الواي فاي رجعت ، وسلمنا على بعض وكل واحد رجع اوضته وانا كنت بفكر ناخد صورة جماعية للذكرى ابنى قال لي مفيش وقت واقترح كل واحد ياخد صورة سلفي لنفسه ويبتعها له ، وبالفوتوشوب هو يبقى يعمل لها مونتاج وتبقى جماعية والله طلعوا ناس طيبين .
بتمنى ان الواى فاي يتعطل على طول ونرجع لبعضينا❤️?

متأكدة أن النص مبالغ فيه قليلا لكنه واقع حال للأسف الشديد. ?

علق بشيء تؤجر عليه ليصلك كل جديد واعمل متابعة
ولاتنس الصلاة على النبي محمد صلى الله عليه وسلم تسليما كثيرا ❤