تويت
Hanan goud -جوه الدايرة
4-5-2022
رداً على الكلام الكتير في موضوع إحتياطي الذهب وليه مصر ( البنك المركزي) اشترت دهب في السر ومن غير ما تعلن عن الصفقه رغم انها تمت في فبراير الي فات
تعالوا نعرفاولا صفقات الدهب للبنوك كلها بتعقد في سرية تامه وده اعلنته الجارديان فميجيش هبيد مش فاهم حاجه ويقولك لازم كنا نعرف وبلا... بلا المره الجاية يا امور هنبقي نعمل مؤتمر دولي ونطرح عملية الشراء للحوار المجتمعي والا تحب حضرتك نعمل "تس" انت فاكرنا بنشتري شبكة خالتك والا ايه ؟!! هههههه
ثانيا ليه بقي مصر او البنك المركزي اشتري صفقة الدهب دي هو ده الي لازم تفهمه وتعرف ان كل خطوه مصر بتخطيها بتكون مدروسه كويس اوي ومحسوب لها مليون حساب .....
الدهب ملاذ امن وقت الأزمات والحروبالدهب هو الغطاء الحقيقى لاى عمله
الذهب يستخدم للتحوط لانه حافظ للقيمه ف ظل الصراع الدائر بين العملاتالدهب عمله عالميه واكبر سند فى الازمات ويتم تحويله لأى عمله على مستوى العالم وممكن عقد صفقات لشراء سلع او قمح بالدهب,روسيا فرضت علي الدول المستوردة الغاز منها الدفع بالروبل بدل الدولار,الغاز الروسي يمثل ٤٠٪ من واردات اوربا من الغاز,معظم الدول هتستجيب وده معناه ان الطلب علي الدولار هيقل وبالتالي سعر الدولار عالميًا هيقل (علي المدي المتوسط),
روسيا خفضت سعر الفائدة -يعني خفضت قيمة عملتها- اغراء الدول المستورده للغاز الروسي انها تدفع بالروبل - يعني بتقولهم مثلا ان اللي كنت بتشتريه بدولار هتشتريه بأقل من دولار لو اتعاملت معانا بالروبل,
مبادئ الاقتصاد بتقول ان قيمة الدولار تتناسب عكسيًا مع قيمة الذهب,بتقول كمان ان تنوع الاحتياطي بين الذهب والدولار مهم خصوصا لتقوية قدرة الدول علي الوفاء بالالتزامات طويلة الاجل وبالتالي رفع تصنيفها الائتماني,كمان بتقول ان الذهب وعاء ادخاري عمره ما اثبت فشل,
قبل ما تبدأ تهبد انصحك انك تعرف تاريخ السياسات النقدية في العالم وان قبل يوليو ١٩٤٤ كان احتياطي الدول من الذهب فقط لغاية ما امريكا ضحكت علي العالم ب اتفاقية بريتون وودز,في الظروف دي لما مصر تبدل الدولار بالذهب في الاحتياطي ده معناه ثقة السياسة النقدية في وجود السيولة الكافية للوفاء بالتزامتها قصيرة الاجلمعناه كمان ان الدوله المصرية بتحاول تبعد عن حرب الدولار / روبل (حاجه كده زي تنويع مصادر التسليح بس في الاقتصاد)تحيا مصر
