تويت
نوم المَخَدّه....!
قصيدة شعبية
شعر: مسلم الطعان
المخدّه إتنامْ
وآنه إسوالفي:
على الما نامْ
مامشْ ليلْ يگضيهنْ
آنه إسوالفي:
بشفايفْ جرح عيبْ إينامْ
أحسْ حسبة ملح بيهنْ
الجروح أوهامْ
كون إلساني سكته بليلْ ناسيهنْ...!
الجروح إحمولْ و إمحملات
ما حَط إبمحطّة راحه حاديهنْ
الجروح أبوابْ و مشرعات
سفنْ تَيَّهَنْ شاطيهنْ
الجروح إدموع متروسات
ما يبسَنْ سواجيهنْ
الجروح إشموع مذبوحات
ألف شوغه بصوانيهنْ
الجروح إگصايبْ إحديثات
مگصوصات
أولهنْ بچَه بوداع تاليهنْ
الجروح إسوالفْ إمودعات
أخوهنْ مات
وما ضاگنْ فرح بسْ مُرْ بواچيهنْ...!
وأنا بلا نومْ
ياكل بيَّه لومْ اللومْ
ألبسهن إجروحي إهدومْ
ما سملنْ
من ذاك الزغر مالومْ
عنيد إوْ بسّطتْ بيهنْ
يا سوگ السوالف يمتى تشريهنْ...؟!
يا نوم المخدّه طوّلت ويايْ
راسي البيهْ قطارْ إهمومْ
ينعى إهوايْ
مثل الفاجدات أعزاز
بجمرهن كاتبات ألغاز
وما تبرد نعاويهنْ...!
يا نوم المخَدّه إنطيني نسمة نومْ
خلْ ريَّة الروح إتعوفْ ذاك الراح
بلكي أرتاح
ومن أكعد أسولفهنْ
وأظلْ طولْ العمر لعيونكْ أحچبهنْ...!
الإثنين المصادف 11/3/2024
بعد منتصف ليل النجف الأشرف
قصيدة شعبية
شعر: مسلم الطعان
المخدّه إتنامْ
وآنه إسوالفي:
على الما نامْ
مامشْ ليلْ يگضيهنْ
آنه إسوالفي:
بشفايفْ جرح عيبْ إينامْ
أحسْ حسبة ملح بيهنْ
الجروح أوهامْ
كون إلساني سكته بليلْ ناسيهنْ...!
الجروح إحمولْ و إمحملات
ما حَط إبمحطّة راحه حاديهنْ
الجروح أبوابْ و مشرعات
سفنْ تَيَّهَنْ شاطيهنْ
الجروح إدموع متروسات
ما يبسَنْ سواجيهنْ
الجروح إشموع مذبوحات
ألف شوغه بصوانيهنْ
الجروح إگصايبْ إحديثات
مگصوصات
أولهنْ بچَه بوداع تاليهنْ
الجروح إسوالفْ إمودعات
أخوهنْ مات
وما ضاگنْ فرح بسْ مُرْ بواچيهنْ...!
وأنا بلا نومْ
ياكل بيَّه لومْ اللومْ
ألبسهن إجروحي إهدومْ
ما سملنْ
من ذاك الزغر مالومْ
عنيد إوْ بسّطتْ بيهنْ
يا سوگ السوالف يمتى تشريهنْ...؟!
يا نوم المخدّه طوّلت ويايْ
راسي البيهْ قطارْ إهمومْ
ينعى إهوايْ
مثل الفاجدات أعزاز
بجمرهن كاتبات ألغاز
وما تبرد نعاويهنْ...!
يا نوم المخَدّه إنطيني نسمة نومْ
خلْ ريَّة الروح إتعوفْ ذاك الراح
بلكي أرتاح
ومن أكعد أسولفهنْ
وأظلْ طولْ العمر لعيونكْ أحچبهنْ...!
الإثنين المصادف 11/3/2024
بعد منتصف ليل النجف الأشرف