تويت
ده مين ؟!
ده كيفن راح زى أى شاب برنامج Shark النسخة الأمريكية
الصورة على اليسار وهو بيقدم اختراعه Doorbot
اللى عبارة عن جرس بكاميرا مرتبط بالموبايل ..بحيث اللى يجى يرن عليك الجرس تجيلك نوتيفيكشن عالفون بفتح كاميرا الباب عشان تعرف مين بيخبط عليك .
العجيب هو أنه كل الموجودين رفضوا الفكرة بتاعته وقللوا منها وقالوا إنها مش هتكون ليها مستقبل فى ظل التطور اللى احنا فيه
تفوت الأيام بعد عرض الحلقة و كيفن يشتغل عالفكرة أكتر وفعلا حقق مبيعات كبيرة جدا بملايين وتبقي المفاجأة أن شركة أمازون تشترى الاختراع ده مقابل مليار دولار أمريكى
ونوصل للصورة التانية على اليمين يرجع لنفس الفريق اللى رفضوه ويقعد معاهم على كرسى ال Sharks كواحد منهم بمنتهى الثقة ومنتهى تحقيق الذات وأنا أهو وفكرتى أهى اللى قللتوا منها خلتنى أكبر منكم .
درس لكل واحد فينا حقيقى أنه مايفقدش إيمانه بنفسه ولا فكرته ولا يخلى حد يحكم عليه بالفشل أو النجاح ...إنت المسؤول الأول والأخير عن فشلك أو نجاحك محدش غيرك ?
#محمد_فاروق