تويت
Aqeel Talib Al Waily
من تاريخي الفوتغرافي :
( الدرع البرونزي )
هذا الدرع حصلت عليه بمناسبة الفوز بمعرض #بغداد دولي #للصورة_الفوتغرافية سنة 2000 يشترك فيه أكثر من 30 دولة من كل #انحاء_العالم يقام بمركز صدام للفنون في ذلك الوقت #بشارع_حيفا وبرعاية #الجمعية_العراقية_للتصوير المركز العام ،،،،،،،،،، من #المواقف التي مررت بها ::::::::::::::::::::
كان مكان توزيع الجوائز في ( #فندق_الرشيد ) ، حفل التوزيع أستمر لحد ال 12 ليلاً خرجت من الفندق وبيدي هذا الدرع وشهادة مغلفة تغليف مميز ، اريد ان أستقل سيارة تكسي لأذهب الى بيت خالتي أبات يمهم والصبح اروح للناصرية ، أشرت لسيارة معينة عندما أقتربت مني فأذا هي سيارة في وقتها موديل حديث لونها أبيض يستقلها شاب مرتب على ماأذكر ثلاثيني لابس رسمي قاط كامل مرتب وقف لي مباشرةً ، انا وبدون وعي من عندي قلت له اسف أسف عبالي تكسي لان وضعى مستحيل يشتغل تكسي ،، قال بالهجة الدارجة ( اصعد اصعد يخوي ) صعدت حتى بدون ماگتلى اريد اروح لفلان مكان لان اول ماصعدت سألني قال شعندك بفندق الرشيد ، لأن فندق الرشيد كان وضعى خاص كان للحكومة ومشتقاتها في ذلك الوقت ، قلت له عدنا حفل تكريم جوائز وأنا من ضمن الفائزين قال شنو حصلت من جائزة قلت البرونزية ، بعدين سألني قال انت من بغداد قلت لا من #الناصرية انذهل وقال من الناصرية ،، قلت نعم ، قال هسة انت وين اتبات الليلة قلت بيت خالتي بشارع فلسطين : المهم ، تكلم قال ( أنتم #أهل_الناصرية مثل السمج ماكول مذموم ) طبعاً أني ساكت بس مبتسم
وبعدين قال الأحزاب والحركات كلها اتكونت يمكم ، #الحزب_الشيوعي اول #بذرة وتكون عدكم بالناصرية ، #حزب_البعث يمكم ، #حزب_الدعوة يمكم ،، و كل هذا وكل نقص ايذبونا عليكم وأي تطور ماعدكم بالناصرية كلها ،، طبعاً أني ساكت لأن شريد اقول وأني أسمع هذا الكلام الي يخوف في ذلك الزمن ،، ماأطول عليكم وصلنا الشارع فلسطين قال وين قلت أطلع منى طب اهنى وصلت ، قلت الى ( اشكد كروتها اشكد انطيك ) قال أنزل أنزل واصل وضحك وحتى في أمان الله ماكوا 
بس والله صفنت صفنى وراها كلت هذا شني بالأمن بطركاعة ثانية ويريدني أحجي ويورطني ،،،،،، زين احنا هسة أهل الناصرية شنو الي حصلناه ولليوم تضحيات ودم وويلات ومصائب وعلى مر #التاريخ#عقيل_طالب_الوائلي