تويت
?مرحبا اصدقائي، اسمي جيهان
فايتة بالـ21 سنة من القامشلي
بدرس بكلية الحقوق ..
?وحابة احكيلكون عن جماعة
عرقية انا منها واسمها (الماردلية)
سامعين فيون من قبل!!.
?الماردلية بإختصار هنن اهل
"مدينة ماردين" اللي محتليتها تركيا
حالياً وواقعة جغرافياً بجنوبها ..
?وكلمة ماردلي، ما بتدل على
ديانة محددة او مذهب او قومية او
طائفة او حزب او تيار ..
?الماردلية في منن (كرد، وسريان،
وآشور وكلدان و بروتستانت وعرب
وترك) يعني هنن من عدة ثقافات.
?نزحنا من ماردين على الجزيرة
الســورية من العام 1915 بالقرن
الماضي هاربين من مجـ.ـزرة.
?سكنا بحلب وريفها، وبالقامشلي
والحسكة والمالكيــة ومعظم مدن
الجزيرة السورية والفرات.
?منحكي ماردلي، وهي لغة
خاصة، عبارة عن خليط من الكلمات
والمصطلحات (الآرامية .. والعربية).
?في ناس بتسميها لهجة جزراوية.
?ومن اشهر مصطلحاتنا ( ورك،
قصبتي، قربان، ياو ) ..
?في مرادلة بالموصل العراقية و
في كمان بلبنان.
?مندرس بالجامعات ومشهورين
بالفن والغناء و منا الفنان (جان كارات)
اللي غنى مدللتي واخدها منو وائل
كفوري بعدين ..
?"فيروز" اصلها ماردلي كمان و
بلبنان في حزب خاص الن اسمو
(حـ.ـزب الولاء الوطني).
?ماردين مدينة اثرية مهمة فيها
كنائس سريانية أثرية وفيها مساجد و
مقامات وقلعة واسواق شعبية ..
?صوروا فيها مسلسل تركي (زهرة
الثالوث) اللي اغلبكن تابعتوه وبتحبوه.
?بماردين بتلاقي الشعب بيفهم
لغات كردي وسرياني وتركي وعربي
ومن خلفيات (مسلمة ومسيحية) ..
?نسبة كبيرة جدا من مسيحية
مدن الجزيرة السورية اصلن من ماردين
و طورعابدين و نصيبين لمعلوماتك.
?وتعتبر من اهم المدن اللي
بيتواجد فيها الكرد، وهالشي ظاهر
من خلال اللباس والثقافة والأعياد ..
?ماردين الولاية اللي ضلت فاتحة
لجوء للسوريين وتعطيهن بطاقة كملك
لما باقي المدن عم تطردهن وخاصة
اسطنبول ممنوع تسكن وتشتغل ..