أواخر الستينات ( جنرال موتورز ) عملت موديل عربية أسمها ( بونتياك )

جريدة تحت المجهر / أمريكا


24 يوليو 2022 ·
● في أواخر الستينات ( جنرال موتورز ) عملت موديل عربية أسمها ( بونتياك ) ..
▪︎عميل اشترى العربية ولقى فيها عيب وبعت شكوى كتب فيها إنه متعود يخرج بالليل بالعربية يشترى آيس كريم ولقى أنه لما بيشتري آيس كريم فانيليا وبيركب العربية عشان يتحرك بيها الماتورمبيدورش ! ولما بيشترى أى نوع آيس كريم تانى(مانجة فراولة ، شيكولاتة ) بيدور وتمشى عادى ! ..
▪︎مدير الشركة اهتم بالشكوى وبعت مهندس وبدأ يراقب الموقف الغريب ده ويخرج مع العميل يروحوا يشتروا آيس كريم لو جابوا فانيليا العربية مش بترضى تتحرك إلا بعد مدة طويلة ولو جابوا أى نوع تانى العربية بتمشى عادى !
▪︎استمر ع الوضع ده 3 أيام والمهندس هيتجنن وفي اليوم الرابع أتعرف السبب الآيس كريم الفانيليا أكتر نوع شعبى وبيكون مطلوب من الزباين فدايماً متوفر وجاهز فلما العميل بيطلبه بيستلمه بسرعة وبيخرج تانى لعربيته بسرعة والماتور بيكون لسه سخن
لكن أى نوع آيس كريم تانى مش بيكون مطلوب بكثرة فبيأخد وقت فـ إعداده فالماتور بيبرد
▪︎وده كان عيب فـ الموديل ده إن الماتور لما بيقف ويتساب أقل من 5 دقايق ولسه سخن مش بيشتغل ولما بيتساب أكتر من 15 دقيقة بيشتغل وصلحوا العيب والسبب ؟
▪︎شكوى تبان غريبة فـ مضمونها بس قرأها مدير فاهم وأهتم بيها
▪︎بعد القصة دى ومن وقتها ولحد النهاردة المدير علق ورقة فـ مدخل الشركة كتب فيها نصيحة
اهتموا بالتفاصيل وبلاش تستهيفوا صاحبها
التفاصيل دايما صغيرة لكنها كل شئ