تويت
#الشعر_الشعبي_حلب_التاريخ
#بقلم_غزوان_بوسطةجي
أنا حلبي ومن فسط الشهبا...
يمحاض وبيرويا وحلبا...
عايش كل تفصيلة فيها...
بعرف حاراتا وأهاليها...
بعرف أسواقا وخاناتا...
وبعرف تقاليدا وعاداتا...
حفظان حلب وأسرارا...
وتاريخا بوابا وأسوارا...
حفظان القلعة وأبراجا...
وسراديب حجارا ودراجا...
فتلت الشهبا حارة حارة...
ومتعلم قصصا وأخبارا...
أنا ما عبحكي عن حالي...
لاع عمامي ولا ع خوالي...
أنا عبحكي عن كل حلبي...
ع الغزي والأسدي والدهبي...
ع ابن الشحنة وابن العديم...
سلسلوا حلب من القديم...
ع الطباخ وإبن العجمي...
والقجّة بعلمه زدلي عجبي...
ع السهرودي والنسيمي...
وع النبهاني والسلقيني...
والعقاد وسراج الدين...
صانوا العهد وحفظوا الدين...
ع الجوامع والكنايس...
والتكايا والمدارس...
ع المتنبي وأبو فراس...
وسيف الدولة والحراس...
ع القاضي ابن الخشاب...
ومعروف العالي الجناب...
ع السلطان نور الدين...
و الناصر صلاح الدين...
ع الظاهر وضيفة خاتون...
عن بيبرس وعن قلاوون...
عبحكي ع حلب التاريخ...
الواصل صيطا للمريخ...
حلب العشقا ماشي بدمي...
مسك ترابا ريحة إمي...
شقد حبوكي نحنا نحبك...
ولو متنا دفنينا بقلبك...
حقك على راسي ياإمي...
لو ترضي بتنسيني همي".
بقلمي....غزوان بوسطه جي.