رسائل مع النّهر للشّاعر الجميل ذوالفقار الخضر

خدني معك يا نهر عند احباب
مشتاق قلبي لشوفتن مشتاق
و احمل معي الأزهار والعناب
وضمات حب بيعرفا العشاق

يا نهر خدني اشرح الأسباب
هالبعد عنهن صعب مابينطاق
هنن شموعي وهنن الأصحاب
وهنن حياتي ومصدر الإشراق
بلكي الجرف يا نهر عند الباب
بيكون فعلك تمم الأخلاق
بوصل لعندن كحل الأهداب
بالوج يلي بيشبه الدراق
وضمن بيديي دون ما ارتاب
وشبع عيونن بوس بعد عناق

يانهر يابو اسرار يا منساب
خدني لعندا بسيرك الرقراق
هاكي الصبية العلما زرياب
تهدل غناني فكرها الخلَّاق
وهيي الأميرة الكاملة الأنساب
والبوح منها دايم الإطلاق
خدني لعندا تعبت من هالبعد
وماعاد عندي لغيرها اعجاب

ذوالفقار حسن الخضر