توبة العاشق للشّاعر الغرّيد حيدر علي

رغبان قلبِك حاج يتستر
غافر الاهك ليش نتوتر
بيراقب العشاق طول اليوم
ووقت اللقا بيسكر الدفتر
وهالشاهد الواقف عكتفي دوم
صاير معي بيصب وبيسكر
كاتب عند أسمي ( عبد مغروم)
ومن شي سبعطعشر سنة وأكتر
دفتر ذنوبي طايف ومختوم
ومرود عيونك شمّعو بأحمر
وذنوب صارو ديون عالمحروم
من باب توبة ما بيتسكر
وإحساسنا بالذنب مالو لزوم
عنا وقت وحسابنا مأخر
وكل يوم رح أعتق ألف محكوم
وأطعم ألف مسكين ومعتر
وأعطي دروس الحب بالمجان
ورح صوم سبع سنين وقت النوم
وكلما تركتك يوم أستغفر