تويت
Fatema Naeem
كل إنسان شاطر فى حاجة ويشبهلها وتشبهله لاينفع يعمل غيرها ولا هيقدر مهما حاول يتغير ..
أحيانا المواقف ال بنمر بيها فى حياتنا بتخلينا عايزين نغير نفسنا ونبدل طباعنا ، زى إننا نعيش موقف نتئذى فيه لمجرد حسن النية وتصرفنا بطبيعتنا وبعفوية .. هتلاقى مثلا ..
فيه ناس شاطرة فى جلب الرزق والسعى والإجتهاد ليها ولغيرها وقادرة تفتح ألف باب مقفول فى الحتة دى ، وناس الفقر وراها مطرح ما تكون ووشها زى ما بنقول بالدارج نحس
فيه ناس شاطرة فى جلب النكد والهم طول الوقت تشتكى وتنوح وتندب حظها أو حظ أولادها ومهما حاولت تغيرهم يبقوا فرفوشين وروحهم حلوة مش هتقدر تغيرهم
..فيه شاطرة فى جلب الحب والسعادة والرضا ومطرح ما يكونوا بتلاقى الراحة معاهم كل الى حواليهم ،ضحكتهم لتملأ قلبك سعادة وإحساس الراحة والكلمة منهم تشفى ألف عليل
ومهما اتأذوا بسبب عاطفتهم الزيادة هيفضلوا زى ما هم مليانين خير وحب لكل الناس
..وفيه ناس شاطرة كأصدقاء تودك وتسأل عليك وتهتم بيك بدون اى غرض أو أسباب كده لله فى لله ووقفتهم فعلا بتكون بألف أخ واخت
وفيه ناس شاطرة انهم يكونوا جيران بارين بجيرانهم يسألوا ويطمنوا ويودوا ومع بعض فى اى حاجة حتى لو جارهم مش زيهم ومهما تمر بيهم مشاكل والحياة تصعب بسبب كثرة الاختلاط مش بتغيروا ده طبعهم بيعيشوا ويموتوا بيه وناس عائشه بس تئذى جيرانها وتتلصص وتحقد عليهم
وفيه ناس شاطرة كزملاء بيدعموا زمايلهم ولا بيغيروا ولا يحقدوا وبيعتبروهم زى اخواتهم ووراهم وفى ضهرهم ومشاركينهم كل مواقف حياتهم فى حزن او فرح وناس شغالين عصافير والتوقيع والنم ووووووو الخ
..وفي ناس شاطره كأباء وأمهات بيعرفوا ازاي يربوا وازاي يهتموا بأولادهم وازاي يشبعوهم نفسيا وعاطفيا خلوهم أسوياء مهما كانت الظروف صعبه وناس متقدرش تربى حتى قطة أو كلب وتعتنى بيه مش أولادهم
المهم تعرف إنت شاطر فيه كويس ويتحب وتعمله والوحش تغيره فيك للأحسن وتعيشها صح
الإعلامية والشاعرة /فاطمة نعيم.
#إنسانيات
#علمتنى_الحياة
كل التفاعلات:
عبدالله راضي المياحي
محمد تمام
كلام جميل