أنوشكا تتحدث عن صعوبات مهنة التمثيل وتؤكد: “لسنا كالموظفين”

كشفت الفنانة أنوشكا عن الصعوبات التي يواجهها الفنانون في مهنة التمثيل، مؤكدة أنها ليست أصعب المهن ولكنها أيضًا ليست بسيطة وأحيانًا الفنان يعمل دون أجر.
وقالت أنوشكا في تصريحات صحافية: “مقدرش أقول أصعب مهنة ولكنه موهبة والموهبة هدية من الله، ولكنه مش سهل ولو بتحب اللي بتعمله هتعمله بيسر ولكن لو مش بتحبه مهما كان العمل سهل هتعملها بصعوبة”.
وواصلت: “الفنان ممكن يعمل عمل كبير وبأجر قليل وعمل آخر ربنا يكرمه فيه، وأحيانًا بنمثل بدون أجر كمجاملة لزميل، والفنان معندوش دخل ثابت زي الموظف أو مكافأة وعلاوة، وممكن نقعد في البيت سنتين لظروف خارج إرادتنا، ورزقنا على الله”.
وعن مشاركتها كعضو لجنة تحكيم في أحد برامج اكتشاف المواهب، قالت: “الواحد طول الوقت مش عايز يغلط، وشايل المسئولية لأنها مش مسئولية نفسي فقط بل مسئولية آمال ممكن تتحطم أو تتحقق من المتسابقين، ولكن في الآخر إحنا في لجنة التحكيم بيكون فيه عدد معين ونظام معين وأنا بعتبر أن قد ما فيه آمال متعلقة مينفعش الواحد يفتكر أنه علشان خرج من المسابقة أنه مش كويس بل بالعكس السنادي مفيش فروقات كبيرة”.