دفا كانون للشّاعر ذوالفقار الخضر

ريح وبرد والگلب يرجف رجيف الوفا
يشتاگ شوفة وجه كلَّه دفا وتحنان
وجهاً مليح الحسن كله ترافة وصفا
والخد جوري الورد ويَّه زهر رمان

كانون يابو البرد بيك الوعد والصفا
ناطر عيون الگلب عالشط صرلي زمان
موج البحر يصطخب ما بيه أبداً عفا
وأگبل علينا المطر بشبه دمع هتان
والريح تعصف عصف والبرد مني اكتفا
وهبوب ذاك العصف خلا الوجه بردان
واگف ومالي خبر جايي العشق والوفا
بخطوات نگل الحَجل وصوت الحِجل رنان
والدرب ذايب عشگ من خطوها ما اكتفى
يهلهل طريگ المشت ويردد الألحان

ويوم العَليَّة أگبلت والبسمة صارت شفا
لگلبي الهواها وغدى بيها ترى مجنون
وضميتها يالربع والعشگ بينا احتفى
واشتم منها العطر جوري وزهر ليمون

والخجل مني ابتعد راح واظنه اختفى
ووگفنا تحت المطر عَ شرفة البلكون
وذيچ المظلة التي ظمتنا بيها الدفا
وشعلنا مثل الجمر ويشهد برد كانون

ذوالفقار حسن الخضر