غالبية المصريين يحتفظوا بنفس الصفات الجينية للمصريين القدماء

الحضارة الفرعونية Pharaonic civilization

عشان سارقي التاريخ والحضارات اللي بيدعي ان الشعب المصري الحالي مش وريث قدماء المصريين والاشاعات اللي من النوع ده واللي للأسف بعضنا بيصدقها .....
الدراسات العلمية الحديثه على الـ DNA والقياس الانثروبومتري ( قياس أبعاد الجسم البشري ) وقياسات العين والشعر والبشرة و الاسنان .. إلخ
وضحت ان على الرغم من كل الاحتلالات و الهجرات الأجنبية لمصر عبر التاريخ إلا إن الغالبية العظمى من المصريين النهاردة بيحتفظوا بنفس الصفات الجينية للمصريين القدماء
وكان الفضل الأكبر فى النتايج دى بيرجع للمومياوات المصرية القديمة ، واللى فضلت محتفظة بالصفات الجينية للمصريين القدماء لآلاف السنين وكأنها متحف انثروبولوجى كامل بيقف كحائط صد قدام اى محاولة لنشر اى قصص خرافية عن أصول المصريين.
وممكن نلخص النتايج التفصيلية للدراسات دى فى السطور اللى جاية :
( الدراسات والمراجع موجودة فى نهاية المقال )
1- الغالبية العظمى من المصريين الحاليين وبنسبة ( 77.3 % ) على الأقل بيحملوا نفس الصفات الجينية للمصريين القدماء
2- أما الصفات الجينية المنتمية لشعوب الشرق الأدنى فنسبتها حوالى ( 10.3 % ) و بتتقسم لمجموعتين :
المجموعة الأولى : مجموعة ( العرب - اليهود - الأتراك - الأكراد - إيران - العراق - الأردن - فلسطين - سوريا - لبنان .. إلخ ) فنسبتها ( مجتمعة ) بين الشعب المصرى رغم كل الهجرات والغزوات مش أكتر من ( 5.2 % )
وده بيأكد كلام المقريزى اللى عاش وقت حكم المماليك ( اللى مكنوش عرب ) و مات سنة 1422 م فى كتابه " البيان والإعراب عما بأرض مصر من الأعراب " لما قال :
" اعلم أن العرب الذين شهدوا فتح مصر قد أبادهم الدهر وجهلت أحوال أكثر أعقابهم ، وقد بقيت من العرب بقايا بأرض مصر " ( يقصد القبائل العربية الموجودة حاليا فى مصر )
و المجموعة التانية ( جنوب أوروبا ، اليونان - تركيا ... إلخ ) فنسبتها حوالى ( 5.1 % )
3- وأما الصفات الجينية الأوروبية ( غرب أوروبا – ايطاليا " الرومان " – الفرنسيين – الانجليز .. إلخ ) فنسبتها حوالى ( 5.5 % )
.. والنسبة الباقية ( 6.9 % ) متوزعة على صفات جينية متباينة من أصول مختلفة غير محددة المنشأ .. يعنى موجودة فى كل العالم بس مش معروف منشأها ايه
صورة توضيحيه في الاسفل
4 - توزيع فصائل الدم فى مصر فى العصر الحالى بيوضح إن الجماعات السكانية متجانسة تماما ، ومفيش أى فروق ذات دلالة إحصائية بين المسلمين والمسيحيين ، الفحوص المقارنة للرأس ومقاييس الجسد ( البشرة – الشعر – العين - الاسنان .. إلخ ) بتوصل دايما لنتائج متطابقة
5- المصريين الأوائل كانوا فى أرضهم دى من عصر البليستوسين- من حوالى 15 ألف سنة ،
( ولدرجة كبيرة جدا ) متأثروش بالغزوات أو الهجرات .. المصريين هم المصريين ، زى ما كانوا من آلاف السنين
6- الأنماط الجينية الأساسية للمصريين من آلاف السنين ولحد النهاردة كلها أفريقية
7- مصر بحكم جغرافيتها اللى خلتها معزولة طبيعيا، قدرت تثبت وترسخ أساس أنثروبولوجى جينى قاعدى استمر لآلاف السنين بدون اى تغيير أو تأثر بأى شعوب أجنبية ( وده واضح فى كل الرسومات والمومياوات والتماثيل طول فترة الحضارة المصرية القديمة .. وواضح فى نتايج كل الأبحاث والدراسات الحديثة للصفات الجينية للمصريين الحاليين )
8- وبالتالى كان الأساس القاعدى ده ( اللى كان قبل المسيحية على الأقل ب4500 سنة .. وقبل الإسلام بـ 5000 سنة ) موجود وواخد صورته النهائية والمميزة قبل وجود مسلمين أو مسيحيين أو غيرهم ، وكافى لأنه يصهر جواه أى صفات وراثية وافدة فى أى مرحلة تالية نتيجة غزو أو هجرة ، خصوصا إن الهجرات اللى حصلت على مصر وأشهرها هجرات القبائل العربية كانت دايما بأعداد لا تذكر مقارنة بأعداد المصريين الأصليين
9 – الصفات الجينية اللى ممكن تبان غريبة عن المصريين زى البشرة المايلة للبياض ونعومة الشعر واعتدال حجم الأنف مش صفات جديدة على المصريين .. الصفات دى موجودة بالفعل من آلاف السنين .. يعنى مش بالضرورة لازم تكون نتيجة تزاوج مع شعوب تانية .. و هنلاقي كتير من الصفات دى موجود فى عشرات التماثيل والمومياوات اللى مازالت موجودة لحد النهاردة ودى نماذج منها :
10- القبائل الموجودة فى مصر مش بس من الجزيرة العربية ، إنما كمان من الأمازيغ ( ليبيا – المغرب – تونس ) واللى وفدوا لمصر فى زمن الدولة الفاطمية ورجعوا تانى بأعداد أكتر فى القرن 18 وتركزوا فى الصحراء الغربية ، حتى إن بعض العلماء بيشوفوا أن أكتر بدو مصر من المغاربة مش من عرب الجزيرة غير النوبيين اللي وفدوا الي مصر حديثا
11 - فى بعض الدراسات وصلت نسبة الإحتفاظ بنفس الصفات الجينية للمصريين القدماء إلى 90 %
^ Frank Yurco, "An Egyptological Review" in Mary R. Lefkowitz and Guy MacLean Rogers, eds. Black Athena Revisited. Chapel Hill: University of North Carolina Press, 1996. p. 62-100
__________________________________________________ ___________
شهادات علمية :
العالم " ستيفين كون " عالم الأنثروپولوچيا الطبيعية، بيقول في كتابه' أعراق أوروبا '' :
" لا بد أن تظل مصر القديمة أبرز مثال معروف فى التاريخ وحتى الأن لمنطقة معزولة طبيعيا أتيح فيها لأنواع الجنسية المحلية الأصيلة أن تمضى فى طريقها لعدة آلاف من السنين دون أن تتاثر إطلاقا باتصالات أجنبية"
وكلام " كون " بيأكده العالم والباحث الآثرى المعروف "برودريك" في كتابه' شجرة التاريخ البشري " و بيقول :
"من الواضح طوال الستة آلاف سنة الأخيرة أو يزيد أنه لم يكن هناك أى تغيير ملحوظ فى مظهر عموم المصريين , فالبراريون وأهل حضارة نقادة الأولى والثانية ومصريو الأسرات والفلاحون الذين نراهم يعملون فى الحقول اليوم كلهم من نفس النمط القاعدى المتوسط "
أما عالم الأنثروبولوجى وخبير علم التشريح "أرثر كيث" فى كتابه' نظرية جديدة عن التطور البشري' بيأكد الاستمرار الجينى للمصريين وبيقول :
" أن الفلاحين الذين نراهم يؤلفون جسم الأمة اليوم هم النسل المباشر لفلاحى سنة 3300 قبل الميلاد "
وبيقول كمان :
" المصريين ليسوا فقط أمة, أقدم أمة سياسية في التاريخ, ولكنهم أيضا جنس بكل معني الكلمة. ولكن ليس هناك شيء اسمه النقاوة الجنسية عموما. بل إننا ليمكننا أن نذهب إلي حد القول بأنه ما من شعب, مهما كان منعزلا أو معزولا, إلا وهو مختلط بدرجة أو بأخري .. وإن كان النمط الجنسي المصري قد امتاز بالثبات لا شك "
وأما العالم المصرى " سليمان حزين " فى كتاب ( تاريخ الحضارة المصرية : العصر الفرعونى ) فانتهى لنفس النتايج و بيقول :
" إن القبائل العربية التى نزحت فى العهد العربى إلى وادى النيل الأدنى لم تؤدى إلى حدوث أى تغيير فى تكوين المصريين العام نتيجة لموجات العرب المتلاحقة "
وفى كتاب " القبائل العربية فى مصر فى القرون الثلاثة الأولى للهجرة " للدكتور عبد الله خورشيد البرى واللى بيرصد فيه السلالات العربية من قبل الفتح العربى على مصر ولحد النهاردة بالتفصيل بأنسابهم وأصولها وفروعها .. فبيأكد نفس النتايج وبيقول :
" يرجع عدم تغير تكوين المصريين العام بقلة عدد العرب الوافدين بالنسبة لمجموع الشعب المصرى .. وهذه الظاهرة نلاحظها فى جميع مراحل تاريخ مصر ، فقد توافد على المصريين كثير من الأجناس المختلفة امتزجوا بالمصريين امتزاجا دمويا دون أن يؤدى ذلك إلى تغيير خصائص المصريين الجنسية ، لأن هؤلاء الوافدين كانوا يفلحون فقط فى تجديد دماء المصريين دون تغييرها اذ لا يلبث الشعب حتى يهضمهم ويتمثلهم ، وكان ذلك أحد عوامل احتفاظ المصريين بحيويتهم عبر العصور .
أما عالم البيولوجى والمفكر المصرى حسين فوزي فبيقول فى كتابه ' سندباد مصري' :
" ذلك الجنس الواحد الباقي. والمصري, الذي انعزل في واديه الخصب وسط الصحراء والهضاب والجبال والبحار, احتفظ بطابعه الإثنوغرافي , غير مشوب في أغلبه, إلي يومنا هذا. والشعوب التي اعتدت علي مصر, أو استقرت فيها وعاشرت أهلها واختلطت بهم, لم تكن أكثر من قطرات ماء في بحر خضم من بشرية مصرية أصيلة.
أما جمال حمدان فى كتابه شخصية مصر فبيقول :
" مصر لم تتعرض أساسا للهجرات البشرية وإنما للغزوات الحربية؛ وهي محدودة من حركة ذكرية بحتة ولذا تذوب إن لم تبد "
" و رغم الأعداد الكبيرة التي انصبت من العرب في مصر، ورغم الاختلاط البعيد المدى الذي تم مع المصريين فإن هذا لم يغير من التركيب الأساسي لجسم السكان أو دمهم "
المصادر والمراجع
__________________________________________________ ______________
Genetics, Egypt, and History: Interpreting Geographical Patterns of Y Chromosome Variation
History in Africa, Volume 32, 2005, pp. 221-246 (Article)
Published by African Studies Association DOI: 10.1353/hia.2005.0013
http://muse.jhu.edu/journals/hia/summary/v032/32.1keita.html
http://wysinger.homestead.com/keita.pdf
History in the Interpretation of the Pattern of p49a,f TaqI RFLP Y-Chromosome Variation in Egypt: A Consideration of Multiple Lines of Evidence S.O.Y. KEITA*
National Human Genome Center at Howard University, and Department of Anthropology, Smithsonian Institution, Washington, DC 20060
http://www.ncbi.nlm.nih.gov/pubmed/16136533
http://wysinger.homestead.com/keita6.pdf
" Clines and clusters versus “Race:” a test in ancient Egypt and the case of a death on the Nile "
American Journal of Physical Anthropology , Volume 36, Issue Supplement 17, pages 1–31, 1993
http://onlinelibrary.wiley.com/.../ajpa.1330360603/abstract
http://wysinger.homestead.com/brace.pdf
" Y chromosomal haplogroup J as a signature of the post-neolithic colonization of Europe "
Department of Biology, University “Tor Vergata”, Rome, Italy
Hum Genet (2004) 115: 357–371 , DOI 10.1007/s00439-004-1168-9
http://www.ncbi.nlm.nih.gov/pubmed/15322918
http://www.familytreedna.com/pdf/HaploJ.pdf
http://www.springerlink.com/content/82u750arj33bmnta/
"Tracing Past Human Male Movements in Northern/Eastern Africa andWestern Eurasia: New Clues from Y-Chromosomal Haplogroups E-M78and J-M12"
The Author 2007. Published by Oxford University Press on behalf of the Society for Molecular Biology and Evolution
http://www.academia.edu/.../Tracing_past_human_male...
" Mitochondrial DNA Sequence Diversity in a Sedentary Population from Egypt "
Annals of Human Genetics , Volume 68, Issue 1, pages 23–39, January 2004
http://onlinelibrary.wiley.com/.../j.1529-8817.2003.../full
" mtDNA analysis of Nile River Valley populations: A genetic corridor or a barrier to migration? "
Am. J. Hum. Genet. 64:1166–1176, 1999
http://genapps.uchicago.edu/labweb/pubs/krings.pdf
" Egypt;Y-chromosome haplotypes;Nile River Valley "
American Journal of Physical Anthropology , Volume 121, Issue 1, pages 63–66, April 2003
http://onlinelibrary.wiley.com/.../ajpa.10190/abstract
http://wysinger.homestead.com/haplotypes_in_egypt.pdf
"The Racial History of Egypt and Nubia"
The Journal of the Royal Anthropological Institute, 75:1945, pp. 81-101; 76:1946, pp. 131-56),
http://www.catchpenny.org/race.html
#elfagal