تويت
Nidal Abd Alhadi
بالعربي وببساطة وبدون مقدمات في بعض الفنانين بتحاول تحبط المبتدئين وتسخر منهم وكأن هل فنانين خلقوا عالدنيا وبايدهم باليتة والوان وفراشي رسم وكأن بحياتهم ماشخبطوا وما كان رسوماتهم ضعيفة . عزيزي الفنان اذا مو عاجبك مايدور في الساحة الفنية فيك تحكي وتشجب وتنقد وزارة الثقافة أو الكليات الفنية أو المعاهد . فيك تنقد دور الثقافة يلي هدفها جمع المال دون الاكتراث للثقافة الفنية والذوق العام . فيك تنقد المحطات الفضائية والمجلات يلي عبتساهم بتسويق الفنان الذي لا يستحق سواء بالواسطة أو بالمادة ...الخ بس مافيك تقتل شب أو بنت في بداية رحلتهم بالفن و بكلمات مابتليق بفنان متلك وانت بتعرف ان اساس الاستمرار بالفن بيعتمد على التشجيع. ممكن توقف حلم انسان حب الحياة من خلال القلم والورقة أو الالوان بسبب كلماتك ... خلوا الناس كلها ترسم وين المشكلة؟؟!!!!!!!!! ماحد بيسرق رزق حد........ اصلا كل الفنانين العظماء ماتوا فقراء وما استفادوا ماديا خلوا الناس تهرب من واقعها المؤلم نحو افاق واحلام جديدة و سعيدة .. يلي صاير بالعالم العربي من ضغوطات نفسية مقيته فوق ماتتصوروا ..انا كل يوم بشوف من خلال صفحات التواصل الاجتماعي جرائم قتل ودبح ودم ..مو غلط اذا الانسان فرغ هل ضغوطات والكبت على ورقة أو لوحة وانتوا بتعرفوا تماما ان الفن بيهذب الروح وبحد من حالات التوتر والانفعالات . الرسم مش حكر على حدا صديقي ..ولا هو بالميراث الرسم موهبة و نعمة من الله ومافيك تقطع نعمة الله قسمها لشخص. وتذكر عزيزي الفنان ان مش انت يلي بترسم وبس... الخطاط بيرسم.. والحداد بيرسم ..والنجار.. والدهان .. والخياط .. حتى بياع الفلافل بيرسم اذا بدك ... بلاها هل نرجسية وياريت اذا كان عندك كلام جميل لهذا الجيل الصاعد تقوله وتسانده وتشجعه.. واذا كان في كلام سيء تصمت ... لان هذا الجيل صاعد لامحال.. حبو بعض بلاها هل نزعات المقيتة والنفسنة والغرور نحن بحاجة للمحبة للتواضع الرسول الكريم صل الله عليه وسلم كان بقمة التواضع .. الخلفاء الراشدين والصحابة كانوا في قمة التواضع... وين نحن من هؤلاء . كل واحد منا ماض وراحل وماحدا اخد معه شي . مارح طول عليكن بس رح اذكر قصة صارت معي من فترة.... رسمت بورتريه لفنان رحل عن الحياة كنت لاجىء في أحد مراكز اللجوء وقتها .... كنت حابب ارسم لحتى اكسر الملل بحياتي الجديدة . سألتني امرأة عندي صورة لزوجي بترسمها ؟ اخذتها ورسمتها وانا مابعرف ان الشخص يلي عبرسمه فنان... طبعا جابت الالوان على حسابها الشخصي . لان ماكان عندي الوان ولابعرف من وين بتنباع . رسمتها واعطيتها اللوحة ف قالتلي شو أجار تعبك قلتلها مابدي شي ... يكفي جبتيلي الالوان ف ابتسمت وقالتلي هذا الشخص زوجي وكان فنان وانا اقبل هديتك بس ياريت تقبل هديتي ودخلتني على مرسم زوجها المتوفي واعطتني كل مايملك من ادوات وسكاكين وفراشي رسم وكوادر خشبية وقماش وبراويظ... مرسم كامل مكمل ... مابعرف وقتها ليش دمعت عيوني يمكن لان اجاني كل شي فجأة ويمكن لان اكتشفت وقتها ان مافي شي بيدوم لحدا بالحياة والكل ماضي من هل حياة ....
في مقولة حابب اوجهها لكل شخص بيحب يرسم ..ان لم تكن قادرا على الطيران. اركض وان لم تكن قادرا على الركض .امشي .وان لم يكن باستطاعتك المشي . ازحف ولكن مهما يكن ما تقوم به .عليك تواصل التقدم وسوف تنجح باذن الله
تعليق