تويت
أجواء حارة .. جافة .. و بياض دقيقي ينتشر !
بهي الأجواء عم ينتشر البياض الدقيقي على النباتات الباذنجانية ( فليفلة - بندورة - باذنجان).
البياض الدقيقي هون مختلف عن اللي بيصيب غير نباتات .. لأنه الفطر هون تطفله داخلي !
يعني ما رح نشوف نثر دقيقي على سطح الورقة العلوي, طيب شو رح نشوف؟
- لازم نعرف انه الاصابة بتبلش من الاوراق السفلية و بتنتقل للأعلى.
- منشوف نموات الفطر على السطح السفلي للورقة و بتعمل تشوهات للأوراق من خفيفة الى متوسطة متل الالتفاف, و اوقات بتتحدد النموات الفطرية بين العروق الرئيسية.
- على السطح العلوي رح نشوف بقع صفراء غير منتظمة متل اللي بالصورة تماماً, مع تقدم الاصابة بتتحول للون البني و تماوت النسيج, على عكس باقي البياضات.
ايمت بتبلش الاصابات؟
الفطر بيناسبه جو حار و بيبلش من 29 - 30 و فوق
الفطر ما بيحتاج قطرات ماء متل الزغبي ليتطور, لكن الرطوبة الجوية مهمة.
شو الاضرار؟
خسارة بالاوراق و موتها وبالتالبي تعرض الثمار للطعات شمس و ضعف عام للنبات و قلة انتاج وممكن توصل الخسارة ل50 % من المحصول.
شوية ممارسات زراعية:
1- الاصابة ممكن تبلش من المشتل, فخلينا نحافظ على عدم كثافة الشتول بشكل عام.
2- نتخلص من الاعشاب بالحقل وخاصة اللي تنتمي للفصيلة الباذنجانية.
3- موقع الزراعة يكون بمكان جيد التهوية.
4- تجنب الافراط بالسماد الازوتي, الزيادة الورقية بتساعد الاصابة.
5- التأكد من انه النبات عم ياخد حاجته من الماء, لانه الزيادة اخت النقصان, عند تعرض النبات لاجهاد رطوبي بيزيد الاصابة.
6- بعد الحصاد, حرق البقايا و اتلافها.
7- اتباع دورات زراعية بادخال زراعات الفصيلة الصليبية.
8- غالباً هو فطر صعب مكافحته متى ما دخل الحقل لهيك خلينا نركز على النقاط السابقة لمنع حدوث الاصابات.
المكافحة الكيميائية ( + النقاط السابقة):
1- مجرد ظهور اول عرض ابدأ بالرش بشكل روتيني كل 7-10 ايام حسب شدة المرض.
2- بالحقول الكبيرة ممكن نتدرج باستخدام المركبات (1) كبريت ميكروني (2) كلوروثالونيل (3) مركبات التريازول.
3- في حال كنت متبع زراعة عضوية: اعتمد على الكبريت الميكروني و بيكربونات البوتاسيوم ويفضل قبل ظهور الاعراض بالاضافة للزيوت الصيفية بتراكيز معينة ممكن تعالج الاصابات و بعض السلالات مقاومة للزيوت نوعا ما!
4- انتبه لتوقيت رش الكبريت, ما يكون بوقت الظهيرة لانه رح يعمل حروق, لذلك خليه بالصباح الباكر جدا .
5- اذا استخدمت مواد او مبيدات فيها زيوت, انتبه ما بصير تستخدم كبريت (كوكرت - زهرة) قبل ما يتم فترة اسبوعين ع اخر معاملة بالمبيد الزيتي.
#sap
[ATTACH=JSON]n44717[/ATTACH]
بهي الأجواء عم ينتشر البياض الدقيقي على النباتات الباذنجانية ( فليفلة - بندورة - باذنجان).
البياض الدقيقي هون مختلف عن اللي بيصيب غير نباتات .. لأنه الفطر هون تطفله داخلي !
يعني ما رح نشوف نثر دقيقي على سطح الورقة العلوي, طيب شو رح نشوف؟
- لازم نعرف انه الاصابة بتبلش من الاوراق السفلية و بتنتقل للأعلى.
- منشوف نموات الفطر على السطح السفلي للورقة و بتعمل تشوهات للأوراق من خفيفة الى متوسطة متل الالتفاف, و اوقات بتتحدد النموات الفطرية بين العروق الرئيسية.
- على السطح العلوي رح نشوف بقع صفراء غير منتظمة متل اللي بالصورة تماماً, مع تقدم الاصابة بتتحول للون البني و تماوت النسيج, على عكس باقي البياضات.
ايمت بتبلش الاصابات؟
الفطر بيناسبه جو حار و بيبلش من 29 - 30 و فوق
الفطر ما بيحتاج قطرات ماء متل الزغبي ليتطور, لكن الرطوبة الجوية مهمة.
شو الاضرار؟
خسارة بالاوراق و موتها وبالتالبي تعرض الثمار للطعات شمس و ضعف عام للنبات و قلة انتاج وممكن توصل الخسارة ل50 % من المحصول.
شوية ممارسات زراعية:
1- الاصابة ممكن تبلش من المشتل, فخلينا نحافظ على عدم كثافة الشتول بشكل عام.
2- نتخلص من الاعشاب بالحقل وخاصة اللي تنتمي للفصيلة الباذنجانية.
3- موقع الزراعة يكون بمكان جيد التهوية.
4- تجنب الافراط بالسماد الازوتي, الزيادة الورقية بتساعد الاصابة.
5- التأكد من انه النبات عم ياخد حاجته من الماء, لانه الزيادة اخت النقصان, عند تعرض النبات لاجهاد رطوبي بيزيد الاصابة.
6- بعد الحصاد, حرق البقايا و اتلافها.
7- اتباع دورات زراعية بادخال زراعات الفصيلة الصليبية.
8- غالباً هو فطر صعب مكافحته متى ما دخل الحقل لهيك خلينا نركز على النقاط السابقة لمنع حدوث الاصابات.
المكافحة الكيميائية ( + النقاط السابقة):
1- مجرد ظهور اول عرض ابدأ بالرش بشكل روتيني كل 7-10 ايام حسب شدة المرض.
2- بالحقول الكبيرة ممكن نتدرج باستخدام المركبات (1) كبريت ميكروني (2) كلوروثالونيل (3) مركبات التريازول.
3- في حال كنت متبع زراعة عضوية: اعتمد على الكبريت الميكروني و بيكربونات البوتاسيوم ويفضل قبل ظهور الاعراض بالاضافة للزيوت الصيفية بتراكيز معينة ممكن تعالج الاصابات و بعض السلالات مقاومة للزيوت نوعا ما!
4- انتبه لتوقيت رش الكبريت, ما يكون بوقت الظهيرة لانه رح يعمل حروق, لذلك خليه بالصباح الباكر جدا .
5- اذا استخدمت مواد او مبيدات فيها زيوت, انتبه ما بصير تستخدم كبريت (كوكرت - زهرة) قبل ما يتم فترة اسبوعين ع اخر معاملة بالمبيد الزيتي.
#sap
[ATTACH=JSON]n44717[/ATTACH]