تويت
Ashraf Zeinah
أنا كمتابع بيهمني من كأس العالم كرة القدم فقط، الأمور التقنية والتنظيمية ما كتير بتعنيلي، أساساً ما بذكر بحياتي حضرت افتتاح، ولا اهتميت برفاهية الأوتيلات وجودة الملاعب، أساساً بحس كؤوس العالم من زمان كانت أحلى، بلا تقنيات وڤار وتكنولوجيا، كرة القدم للفقراء ولعبة شوارع بالأصل، وأبطال اللعبة فقراء ومن الشارع.. قطر بلد متطور كتير وقادر يبهر العالم بكتير تفاصيل تنظيمية ما قادرين عليها كتير بلدان ومنها بلدنا، بس هاد ما بيعني إنو ما فينا نقول رأينا ونعبر عن وجهة نظرنا، إذا الأيام جارت علينا ورجعتنا عشرات السنين لورا..
كان عمري ست سنين وقت حضرت افتتاح ألعاب المتوسط باللادقية وبوقتا سورية أبهرت العالم وكنا سابقين كتار، بفتخر إني من هالبلد، ورح ضل مفتخر شو ما صار، ما رح فوت بمتاهة شو صار بعدين ببلدنا و((مين)) ساهم بتراجعنا ودعم هالشي.. أكيد ما عم قارن ولا في مجال للمقارنة أصلاً، حتى دول كتير متطورة حالياً ما قادرة تقارن مع قطر لنقارن نحنا.. يلي عملوه بقطر أسطوري وإنجاز كبير تنظيمياً، وبينحسدو عليه صراحة..
هاد البوست وجهة نظر شخصية
ما للنقاش ولا انتقاد أو مهاجمة رأي حدا..
Taha Nizar Shahin
