مشهد

#مشهد
[HASHTAG="t1232"]مسرحية[/HASHTAG]
خشبة المسرح يتوضع عليها ديكور لغرفة نوم فيها سرير وكنبة وشاشة تلفاز ومرآة
في المقابل كراسي ممتلئة بالجمهور
المشهد الأول
ترفع الستارة.. يرافقها انقطاع في التيار الكهربائي..
المخرج يهمس:
????‍⚕️ المولّدة شغلوا المولّدة بسرعة
????‍♂️: أستاذ مافي بنزين
????‍⚕️: شغلوا بطاريات الكهربا إي شو هالسنة البيضا هلكتوني
????‍♂️: ما انشحنوا أستاذ عم تقطع الكهربا سبع ساعات وبيجيبوها أقل من ساعة ما عم تلحق تشحن بتفضى
المخرج ينادي على البطل
????‍⚕️يا سليم فوت وبلش
????: يا جماعة منين بدي فوت على المسرح مو شايف شي؟..
????‍⚕️: العمى بقلبك إنت كمان شو مافي احساس عندك دور عليه باحساسك ايديك ورجليك ودبر حالك الناس برا بسرعة قبل ما تضوج
???? العمى بقلبه، ولك حتى شمعة مافي، المخرج الزفت يعني مو عامل حسابه بكل هالمسرحية بشمعة ينور علينا فيها..
تسمع خربشات و أصوات الأشياء تقع على الأرض
????: هي يا مخرج ما أعرف شوف وين الكتاب ولا الكرسي اللي بدي اقعد عليه شلون بقى بدك ياني اقرأ دبرني؟
????‍⚕️ وقف مطرحك واعمل حالك عم تقرأ ما حدا شايفك
أحلام ونادية فتاتان من الجمهور تتحدثان تسأل نادية:
????: والله ما عم شوف شي. عم تفهمي شي؟..
????‍♀️: مو المهم تشوفي، المهم تسمعي التفاصيل، الحكاية بتبدأ بتفاصيلها
????: ليش انت عم تسمعي؟
????‍♀️: طبعا البطل مع رفيقه عم يحكوا المسرحية فيها رموز عن الضوء والعتمة
????: ما بعرف لازم دقق بالديكور و الروتوش لأوصل لحقيقة الحكاية، والله مو ظابطة معي؟..
????‍♀️: شو يعني دفعنا مصاري اقعدي خدي اتسلي بالبوشار وحاولي تسمعي
يسمع صوت تعثر وصرخة.. آخ
???? لك يضربوا على هالمسرحية؟
????‍♀️ ليش شوفي؟
????: مرة بيصرخوا بيخلوك تسدي أذانك ومرة بيهمسوا بيحسسوك إنك طرشة
????‍♀️: غريبة إنت ركّزي لتفهمي، المسرحية مشفّرة
دوي لصرخة عالية
????‍♀️: مين وقع؟
????: ليش أنا عرفت مين صرخ الأول لأعرف مين وقع.
يطبق السواد سكونه على المسرح..
????أحد الجمهور يحاول أن يُشعل قداحته فيشعل ايشارب فتاة تجلس بجانبه..
حريق في المسرح.. فوضى عارمة
هوامش مطموسة.. تفاصيل لا يسمح بذكرها
أحلام ????‍♀️ إمرأة عمياء. لكنّها بصيرة، ولديها فراسة وحاسة سادسة عجيبة، لكنها تبقى شهادة حواس...!
ربّما يخلق السّواد، عالم من الكذب وخيالاً لا يُبارح وَطْء أرضه!

سمر كلاس