شِتي بَدَوي جوزف حرب

شِتي بَدَوي
جوزف حرب – طَالعْ عَ بالي فِلّ

هَـ الغْيُومْ

قَافْلِي
مِنْ
صَوبْ صَنْعَا
بِاليَمَنْ.

هَـ الغْيُومْ

نُوْق رْمَادِيِّي، مَا إِلا رِعْيَانْ إِلاَّ
رِيحْ بِتْسُوقْ فِيْهَا بْهَا لسَّما، مِتل اللِ رَايِحْ
عَا بْلاد
الرُّومْ.

تِرْغِي رَعدْ تَحت كَرَابِيْج البَرقْ، كِلّْ
مَ بْمَسِيْرَا
فَوقْ
تِتْفَرَّقْ.

وْتِمْشِي
وْتِمْشِي
وْبِالهَوَا
تِغْرَقْ.

وْبِحْبَالْ زِرْقِةْ هَـ الفَضَا
مْنِ الخَوفْ تِتْعَلَّقْ،

وْينْزَل شِتي؟ مَنُّو شِتِي! هَيْدِي جْلُود
النُّوقْ
عَمْ
تِعْرَقْ.