حَبِّة الُّلوْلُو جوزف حرب

حَبِّة الُّلوْلُو
جوزف حرب – طَالعْ عَ بالي فِلّ

قَاعِدْ
لإِكْتُبْ شِعرْ.
في عِنْدِي صَدَفْ بَحْرِيْ بِرَاسِي. لا
الوَرَقْ حَبِّ الصَّدَفْ، وِالحِبرْ قَلِّلي:
الحِزنْ بِالدَّمْعه بِبَيِّنْ
مِشْ بِمَنْدِيْلُو.

وِشْوَيّْ
وَجّ
الشِّعرْ.
تَارِيْ مْنِ الصَّدَفْ طِلْعِتْ بِرَاسِي
حَبِّة
الُّلولُوْ.

وْصِرتْ إِنْحَتْ،
حِفّْ،
نَقِّحْ،
فِتّْ،
إِمْحِيْ،
خِطّ، صِيرْ جَوْهَرْجِيْ. يْمُرّ
الَّليلْ. فَكْفَكْنِي التَّعَبْ. جَنَّيْتْ تَا خَلِّي كَلامِي
بْيِبْرُقْ،
وْنَاعِمْ.

عِنْدِ الصُّبْح طِلْعِتْ مَعِي مِتْل الكَأَنُّو
وِعْيِت الوَرْدِي الِّل عِطْرَا
بِالوَرَقْ
نَايِمْ

قَصِيْدِةِ
الخَاتِمْ.