تويت
حمص قصة عشق لاتنتهي
شادن الالحان · ١٩ يوليو، الساعة ٣:٢٨ م ·
نحنا من بلاد ما بتعرف تشتري بالوقية بتتباهى بغرف المونة ،،، متل ما يتباهو بالمكتبات والأثاث ...
نحنا من بلاد ما بتعرف تسأل الضيف جوعان حتى طعميك ؟؟
نحنا منحط السفرة ومنقول للضيف شرِّف الأكل جاهز ..... كلّ أهل البلاد هوايتهن العزايم ومد السُفر والكرم ....
نحنا من بلاد وين ما قطعت بتسمع فيا عبارات ( حوّل اشرب قهوة) ،
( ميّل يا عمي ) ( كولّك رغيف سخن )
(حماتك بتحبّك القهوة جاهزة ) ...
من بلاد الكرم فيها شهامة ،،، ونخوة وعلامة سيادة ،،، من بلاد صبحيّتا أقل شي ٣ ركوات ،، الشجر المثمر بديارنا بياكل منّو كلّ الحي وجرّة القمبريز بتطّعمي كل ّ الجيران ،،،، إذا بتعمل زيارة لصحابين البساتين ما بتطلع من عندن إلّا ومحمّل بالخضرة والفواكه ...
من بلاد بتتزوّج فيا البنت ،،
بس مونتا من أهلا بتوصل كلّ سنة .
نحنا من بلاد منقول فيا ( الإيد الفاضية مجويّة ) وفتاح بيتك وافتخر أو سكرو وانستر ،، نحنا من بلاد بتفكّر بأكل العصفور بنتركلو ثمار عالشجر ،
ما بنعرف نجوع ولا نمد إيدنا ...
...
..نحنا من حمص العدية
- **************************
- Mohammad Nedal Boota
كله كان فعل ماضي. شكرا للذكريات الرائعة