تويت
هيثم أبو علي
محاورة شعرية بيني وبين صديقتي منى العسس أرجو أن تنال إعجابكم.
منى
بطيوب حروفك.. في سحر
من معانيها ...... فاح العطر
حبابك غرقوا .. ببحر الشعر
وحسادك..... طقوا من القهر
هيثم
بحروفك .... طيب وريحان
ومن سحرن .... زهٌر نيسان
الزيتونة ........ حملت رمان
والرمانة ........ شتت عطر
هيثم
الدوري بحرفك... شو اتغنى
وع بوابك ...... عمر استنى
ب حُبك ......... هوي اتهنى
وانا حلمت ... بضمة خصر
منى
بأشعارك .......... انت معلم
ومنك نحنا .... ..... منتعلم
الراية برفع ........... وبسلم
تا اوصلك ......... بدي عمر
هيثم
إنتي الأحلى ....... بأشعارك
والأغنى ........... ب أفكارك
والشعر ............ هوي كارك
ومن زهرك... عم بسرق عطر
هيثم
علقتيني ........... بطيوفك
وغرقت بطيب .....حروفك
سنتين ........ وبدي شوفك
مرقوا عليي . ... متل الدهر
منى
ع حروفك.. من نومي بقوم
تاتشلي ..... من قلبي هموم
قلبي بحروفك ....... مغروم
ورح يبقى ... عا طول العمر
هيثم
بقرا حروفك .... ... وبصلٌي
تضلٌي .... بأيامي ..... تهلٌي
والصبح ........ كل ما تطلٌي
ب قلبي ......... بيفتٌح زهر
منى
شو ما بتحكي وشو ماتقول
بلاقي كلامك......... معسول
وبقلبي ........... الو مفعول
المنحة ..... ب آخر هالشهر
هيثم
ٍشٍعرك .. هوي المش معقول
وكلماتك ... دهب المشغول
ضلي بأيامي .. ع طوووول
تا تزهٌر ........... أيام العمر
منى
انشالله.. عطوول الضحكي
وما بعمرك ... يوم بتشكي
بحياتي ...... انت البركةي
ووجودك .... بيحلٌي العمر
هيثم
يا منى ........... فاجئتيني
وبشعرٍك ........... جننتيني
حرقتي سلٌافي....... وديني
وجننتي ..... شيطان الشعر
منى
لا تتفاجىء ........ لا تحتار
في قبالي ....... أروع طيار
وبيكتب ..... أحلى الأشعار
هوي اللي حرٌك .... هالفكر
منى
حلٌق ......... بحروفك فينا
وفوق غيومك ......... ودينا
هم ال فينا ............ نسٌينا
ونسيٌنا ...... عذابات الدهر
هيثم
بحروفي ..... رح علٌي وطير
ومشٌيكي ..... أحلى مشاوير
و عانغمة ..... أشعاري بيصر
برقصٌلك ..... موجات البحر.
8/7/2022
======================================
