تويت
John Essmat
أخبار الديجيتال
John Essmat
Marketing Consultant & Trainer - Founder: JE agency
تاريخ النشر 22 يونيو، 2021
جولة جديدة في نشرتنا الأسبوعية نبدأها من FACEBOOK ونختمها مع خبر مهم جدًا لكل صناع المحتوى على YOUTUBE
CLUBHOUSE مش هينافس نفسه
يبدو إن (مارك) قرر يجرب موضوع ال ROOMS، وبدأ فعلًا يوم 15 يونيو في الولايات المتحدة أول بث تجريبي لنظام ال AUDIO ROOM مع مجموعة من الأصدقاء.
دي تاني مرة يتم تطبيق الفكرة عمومًا بعد المرة الأولى في TAIWAN الشهر اللي فات، ال ROOM بيتم الإعلان عنها على FACEBOOK EVENT وبتقدر تعمل SCROLL على FACEBOOK والناس بتتكلم عادي بدون قطع للصوت أو الإلتزام بمتابعة ال ROOM نفسها.
إعدادات أكتر في ال CREATOR STUDIO
دلوقتي تقدر تعمل مونتاج بخطوات اسهل لمقاطع الفيديو في مرحلة الرفع - UPLOAD، الإعدادات الجديدة بتركز على نظام AUTO EDITS لتقليل مدة وحجم الفيديو والتركيز على الرسالة عشان تحقق تفاعل أكتر مع الجمهور، الخاصية طبعًا اختيارية وبتخليك تقارن بين الفيديو الأصلي وبين الفيديو المعدل عن طريق FB وكل ده قبل ال PUBLISHING وبتقدر تراجع وتقارن بين الإتنين وتختار المناسب أكتر (الخاصية مناسبة ليك أكتر لو بترفع عدد كبير من مقاطع الفيديو شهريًا)
تويتر بيختبر حاليًا تفعيل خاصية WHO CAN MENTION YOU عشان تقدر تتحكم في مين يقدر يعملك إشارة أو MENTION على أي TWEETS على المنصة ، الإعدادات هيتم تطبيقها بخاصية UNMENTION YOURSELF وكمان تقدر تتحكم في نوعية الجمهور اللي يقدر يعمل منشن ليك ( الجميع - الناس اللي أنت متابعها - جمهور مخصص من ناس أنت تختارهم)، والمدة هتكون يوم أو 3 أو 7 أيام في كل مرة.
CLUBHOUSE
بعد قفزة كبيرة في عدد التحميلات في العالم من مليون إلى أكثر من 5 مليون تحميل ، مطوري البرنامج أعلنوا عن برنامج تمويلي بقيمة 5000 دولار شهريًا لبعض صناع المحتوى في الهند، المبادرة متوقع تتوسع الفترة الجاية وسط منافسة قوية مرتقبة من FACEBOOK بالتحديث الجديد (AUDIO ROOMS ) ومن TWITTER بالتحديث الجديد ( TWITTER SPACE)
ليه الهند تحديدًا؟
الهند غير إنها تاني دولة في العالم من حيث عدد السكان ووواحدة من أكتر الدول استخداماً لنظام ANDRIOD مقابل IOS ، لكن الاهم إن ثقافة المحادثات الصوتية منتشرة أكتر من المحادثات النصية (الهند فيها حوالي 121 لغة ولهجة مختلفة والناس هناك بتتواصل أسهل بشكل سماعي)
كل العوامل دي هتأسس لقاعدة جماهيرية عريضة لمستخدمي التطبيق هناك..
المنصة شاركت تقرير لمجموعة من ال CASE STUDIES اللي بتوضح إزاي المستخدمين أو المسوقين يقدروا يستخدموا ال PROMOTIONAL TOOLS بشكل فعال عشان يحققوا أهداف البراند، وكمان قدمت نصائح مهمة جدًا للشركات إزاي يعززوا وجودهم بشكل قوي على المنصة، وإزاي يقدروا يزودوا عدد متابعي صفحاتهم على LINKEDIN
تفاصيل أكتر : https://bit.ly/3gJ3Rig
YOUTUBE
لا تخافوا ولكن إحذروا…
في خطوة هتريح ناس كتير من صداع حقوق الملكية وإساءة إستخدام المحتوى، أعلن YOUTUBE عن خاصية جديدة إسمها COPYRIGHT TOOL، وهو بإختصار OPTION هيتم إضافته في مرحلة ال UPLOAD لل CREATORS، هيأكدوا عن طريقه ملكتيهم الحصرية لأي مواد مستخدمة في الفيديو، وفي المقابل يوتيوب هيعمل بلوك لأي حد يحاول في المستقبل يعمل إعادة رفع لنفس الفيديو الخاص بيك...كلام جميل ولكن…
لو قلت في مرحلة ال UPLOAD إن كل المواد المستخدمة في الفيديو تخصك، وطلعت إن مش دي الحقيقة، اليوبتوب مش بس هيمسح الفيديو الأصلي الخاص بيك، لأ، ده هيمسح القناة كلها
الخاصية هيتم تطبيقها في كل العالم في خلال أشهر قليلة...استعدوا
خلصت نشرتنا الأسبوعية، شاركونا بكل أسئلتكم وهنجاوبكم عنها في التعليقات
وقولولنا رأيكم: مع التحديثات الجديدة اللي بيعملها مارك، هل هيتفوق FACEBOOK AUDIO' ROOM على CLUBHOUSE في المستقبل؟