نايل للشّاعر كمال رسلان

يا صاح جيب الخمر
سافر حبيب الروح
ما ضل عندي صبر
قلب الزهر مجروح
***
والريق مجنى النحل
وشفاف مرسومة/ي
وهداب مجرى كحل
بالليل موسومة
**
يا عين هلي الدمع
ع فراقهم ياعين
عم دوب متل الشمع
من يوم راح الزين
**
وشهور صرلو القمر
ما زار باب الدار
ما ضل غير الصور
تكوي القلب بالنار
**
ملقانا منجم طرب
لعمل عليه كتاب
الحروف متل الدهب
في ملتقى الأحباب
صافيتا ام العجب
فيها الشعر غلاب
فيها حنين القصب
ريق الأدب عناب
والسنديان ل وهب
روحو ل هالكتاب
رح لم كلشي انكتب
حطو ع صدري حجاااااب
**
سهرات ملقى العمر
سهرات صافيتا
فيها قناني الخمر
سكرت على ميتا
فيها عيون الشعر
فاتت على بيتا
وفنون تنشر عطر
ع كمام جاكيتا
من كل جنة زهر
زهرات قطفيتا
وطبعت ع وجه البدر
اسمك يا روح الروح
ملقاك صافيتا
***
كمال رسلان
13/6/2022