تويت
حمص قصة عشق لاتنتهي
لين القداحي
كل يوم جمعة كان أهالي حمص يطلعو سيران وكانو ياخدو معهم
- ثلاتة كيلو شقف
- خمسة كيلو كباب
- اربعة كيلو بندورة
- 2 كيلو خيار
- اربع خسات
- كيلو ليمون
- بصلتين كبار للسلطة
- كيلين بصل صغير للشوي
-قنينة زيت زيتون مشان التبولة
- تنكة كاز أو بنزين مشان يشعلوا المنقل
- شوال فحم للشوي و للاراكيل
- غالون مياه كبير للشرب
- غالون مياه عادية للغسيل
- بطيخة حمرا(لازم تضل منقوعة بالمي لبعد الغدا)
وبطيختين صفر مع تلاتة كيلو تفاح وشي ستة كيلو موز وخمسة كيلو عنب وكيلو قهوة وشاي وسكر
- حصيرة كبيرة مع اسفنجات ومخدات مشان قيلولة بعد الغدا
- خمسه كيلو نقل (موالح) بياكلوهن الولاد قبل مايوصلوا ع مكان السيران ..
- 5 بيبسي حجم عائلي ٢.٢٥ ليتر
- كاسات للشرب وكاسات للشاي وفناجين قهوة وركوة وابريق شاي مخصص للرحلات حجم كبير بيضيع غطاه بنص الرحلة
بالإضافة إلى 4ربطات خبز وعلبتين جبنة ابو الولد (فرضاً فرضاً ما شبعوا)
و آخر الرحلة لازم يضيع واحد من الأولاد وبس يلاقوه بياكل قتلة قياماً وقعوداً
وبس يرجعوا عالبيت بيقولوا : والله كتير انبسطنا بس هالشوي ماكان ظابط والتبولة ناقصا ملح
#حمص_قصة_عشق_لاتنتهي
الصورة من ذكريات السيران عالساقية التي كانت تمر بوسط مدينة حمص
Saeb Ahmad
- Enam Hosarya Mohamad Hosarya
اي والله