يمكن حلم للشّاعرة ميسا حلبي

مَرِّت بِلحظة ..كلّها سنيني
صار الدمع.. يمشي بْشراييني..
.
اليوم' ..لَمْلَمْ خاطرو الْمكسور
وْجايي يْهنّي جْنازتي الْ فيني..
.
قلّي'..
اعذري دمْعِةْ قلب مقهور
مش لايقة قلِّك غدرتيني
كْبرتي بقلبي..بْعمر كلّو نذور
سَهلةِ بِلحظةْ ضعف تنسيني؟
رْسمتِكْ عَ أيَّامي حلم مسحور
بْطبْشور عَ عْتابِك رَسمْتيني
معقول.قلب الحُبّ عِرف يجور
وِاخْتار.. جوّا الروح .. يكويني
ياما اكْتفيت بْحرف بين سطور
وكلّ القصايد ..ما بتعنيني.
معقول ياقبلةْ صباح النور
تْخلّي الْعتم بالضّوِّ. . يعميني؟
بْهَالْخاتم الّلي بْإصبعك مبهور
ما بْتعرفي إنِك قتلتيني
لو تسكني بْأجْمَل مِدُن..بِقْصور
وْلوْلَا السَّما اتْنَفْنِفْ عليكي عطور
رِبْحِكْ خسارة
يوْمِ بعتيني...
ميسا