تويت
ميرو احمد - ذكريات زمان
٣٠ مايو، الساعة ١١:٣٣ م ·
الفنانة #هدي_سلطان رحمها الله عمرها ما قارنت نفسها بحد لا بفاتن حمامه ولا شادية ولا قالت إنها أهم من سعاد حسني أو هند رستم وحتي لما غنت مقالتش أن صوتها أجمل من ليلي مراد أو نجاة الصغيرة بالعكس كانت ست شاطرة و زكية جداً .
بدأت بطلة في أفلام مهمة و قصاد نجوم و مخرجين كبار و أول لما حست بتقدم العمر بدأت تقدم أدوار مهمة برضه بس مش بطولة لحد ما وصلت لأدوار الأم و قدمته بمنتهي البراعة كما لو كانت فردوس محمد أو أمينة رزق مش هدي سلطان إللي شوفناها في أفلام "الأسطي حسن" و "جعلوني مجرماً" و "رصيف نمره خمسه" و "تاكسي الغرام" و "حميدو" و "الإختيار" و "عودة الإبن الضال" .
وفجاءة بقت "نفيسة هانم" الأم الأرستقراطية في "ليالي الحلمية"
و أم حسن في "أرابيسك" الأم الجدعه بس الحقانية القوية الحنينه
وام رحيم في الليل واخره
وفاطمة تعلبه في "الوتد" المسلسل إللي أصبح أحد أهم الأعمال الدرامية علي الإطلاق وقدمت أهم نموذج للأم إللي بتمثل كيان ...
هدي سلطان قدرت تعمل لنفسها تاريخين منفصلين عن بعض تاريخ وهي شابة صغيرة و تاريخ تاني و هيا ست كبيرة حتي لما إرتدت الحجاب معملتش زيطة ولا زفه لبست الحجاب النهاردة و نزلت تصور و كأن محصلش حاجه .. نموذج نادر جدا في الفن محدش بيتكلم عليه كتير ..
*****************************
- Maha Ashour
ربنا يرحمها ويغفر لها ويدخلها الفردوس الأعلى بدون حساب ولا سابق عذاب
تعليق