ما المطلوب من مزارعي البطاطس حالياً ...

مزارعي البطاطس ...
في ظل هذه الأجواء الغريبة في مثل هذا الوقت من السنة (نهاية الشتاء وفي التلت الاول من برمهات ) يسيطر على أجواء مصر منخفض قطبي شديد البرودة مع نشاط للرياح في صورة هبات ( هتستمر البرودة معانا شوية) ...

البطاطس الان هي:
1- البطاطس الشتوية في أخر عمرها (فوق 110-120 يوم )، في عز مراحل التحجيم والترسين (زيادة الوزن) .. ودي الجو ده لا يمثل مشكلة كبيرة لها ، وممكن تساعدها بمركبات التحجيم ( 15 ك سلفات بوتاسيوم مع اخر رية بالغمر ، أو الرش نترات لو سترات البوتاسيوم 1.5 ك مع 30 سم سيتوكينين 4٪ ... عدا بطاطس الشيبسي ( ليدي روزيتا) ..

2- البطاطس الصيفية المبكرة (عمر من 85 - 100 يوم) ، ودي برده مفيش مشكلة كبيرة لها ويتم التعامل معاها بنفس التوصيات عدا إضافة سلفات البوتاسيوم ...

3- البطاطس الصيفية ( عمر ما بين 50 إلى 85 يوم) .. ودي تأثرها متوسط او خفيف ولابد أن تكون مروية خلال هذا الفترة .. مع إضافة الفولفيك مع الري قدر الإمكان ...

4- البطاطس الصيفية المتأخرة ( عمر أقل من 50 يوم ) وخاصة اللى لسه ما قفلتش العرش .. دي بقه المشكلة لأن تعرضها للبرودة الشديدة هياثر على النمو بتاعها ، ولازم الأرض ديما تكون مروية خلال الفترة دي ويفضل احط مع الري 2 ك فولفيك مع 2 ك ماب ضروري مع الري. ويمكن الرش بفوسفات البوتاسيوم ( 6- 8 سم للتر) أو الرش باكسي كلورو النحاس 250 جم / 100 لتر ماء ...

د. محمد علي فهيم