تويت
ام جمال كريش - حمص قصة عشق لاتنتهي
١٩ مايو، الساعة ٧:١١ م ·
#حمص__بدقيقة__وحدة 
حمص الحبيبة هي اكبرمحافظة بسوريا وواقعة تحديداً
بالمنطقة الوسطى من بلادنا ..
الحماصنة لأنو موقعهن صايربالنص قادرين يتفاهموا مع جيرانون
الشوام ، ومع اهل الساحل لقربهم
من محافظة طرطوس، وكمان مع
اهالي المحافظات الشرقية لأنو
البادية السورية حمصية، قراب ع
لبنان، وجيران حماة، يعني فيك
تعتبر الحمصي فاهم جو وحياة
كل المحافظات وقادر إنو يساير
مختلف البيئات الإجتماعية عنا ..
بتشتهر حمص ببرج الساعة، وبالحلويات المخصصة ليوم خميس
الحلاوة، وبكنيسة ام الزنار السريانية
وجامع سيدنا خالد بن الوليد ..
بيضم الحماصنة الحروفاثناء الكلام وبشددوا على الواو ..
بتشتهر بالنكتة الشعبيةوبخصوصية يوم الأربعاء يٌحكى
انو عيدهن، وفيها جامعة البعث
وفريق الكرامة والوثبة لكرة القدم، وفيها
مباني حجارتها سوداء وهاد يلي
بيلفتك فيها فعلاً ..
التركيبة السكانية الها ..خليط كبير من العرب و السريان
والأرمن و التركمان و الشركس
و الداغستان والألبان والبدو
والأكراد والفلسطينية وغيرن..
بيتجمع المسيحيين بريفهاوتحديدا بوادي النصارى، وعاش
فيها اليهو*د بضيعة اسمها القريتين
طلع منها نسخة توراة سورية ..
أهل (السخنة) بريفها من اوائلالسوريين اللي اشتغلوا بجزيرة مالطا
الاوروبية وحاصلين ع جنسيتها ..
الحماصنة ما حدي بيكرهون،كل السوريين بيمدحوا بحمص وشعبها
لأنو طبيعة الحمصي لطيف بالتعامل
بتمتاز حمص بجمال الصبايا ..دايما بقول المتل الشعبي (حمص ببناتها)
بيمر فيها نهر العاصي وبتعملحلاوة الجبن، وهالشغلات موجودة
كمان بمحافظة حماة لهيك بصير
نقار عالفيس تجاه ملكية هالأمور بس ملكيتها الاساسية لحمص..
تحية للحماصنة 
