الفستان للشّاعر كمال رسلان

قبة دلق والكم مش موجود
نص النهد طالع لبراتو
حتى الكتف بالخيط مش مشدود
سالت لحتى تموت جواتو
فستانك المرسوم مالو حدود
قديش فينا نعد فتحاتو
فتحة سما تا يظهرو الزنود
وفتحة صدر تنزور قباتو
وفتحة ضهر لا وين مش معهود
لولا الشعر غطى بدياتو
وفتحة جنب عا طولها الممدود
تكشف حباري البر نسماتو
وفتحة مفيني فندا ببنود
تحت النهد بشوي عالزنار
حتى الحرير تبان طياتو
******
شحاااار قلبي لبست الفستان
متل القمر يا ناس هدوني
بتعرف بأني عاشق وولهان
وع حبال شعرا ناشر جفوني
ما ظن خلت بالدني ألوان
فيق حلاها غفلة جنوني
قالت صباح الخير يا فنان
فاقت على فستانها ظنوني
عشرين شقفة/ي صاير الضرسان
ترقص على خطوات مجنونة
مع كل خطوة بيلمع المرجان
وزلزال عم بيهز بالنهدين
ومع كل هزة بترقص عيوني
*****
يمكن نسي الخياط تيكفيه
باين بأنو نص فستانك
رح ينمزق حاجي بقى تشديه
وحاجي بقى تكزي على سنانك
كنتي قبل ما تلبسي قيسيه
أفضل مأنو يظهر جنانك
لو تسمعي مني أنا خليه
يروح على كيفو لوين يروح
كني بقى عم قول منشانك

كمال رسلان