تويت
Sajiyousef Qorqmaz
بذكر كان البحر كبير
بذكر كان البحر كبير وكنا نسبح فيه كتير
والجارة تحكي للجارة حكاوي حلوة كتير كتير :
هيلا ،هيلا ، هيلا هيلا هيلا..
بذكر كان البحر شب ختير ؟ ولك لا ..
تعب ؟ ولك لا ، اشتاق .يرجعوا :
تعوا ..إي تعوا
(على مو على موج البحر .. )
كان البحر بعدو كبير ، عم يبعت سلامه :
يرجعوا ولاده ...واحد ورا واحد يرجعوا ..
ولك إي تعوا
(عالروزانا )
غيمات البحر تسافر ..
شي للعاصي ، شي للدير
شي للرقة ، كتير لحوران
عم تهمسلن : ولك إي تعوااا
(ويا مسافرة في البحر جايي ودعك .. )
كسب إسا خضرا
صلنفة تنسم ،عالبحر تسلم ..عالبسيط
ليلى وسلمى عم يسبحوا ،
هاني وسالم عالأول ..عم يدبكوا ،
...قولكن : رجع سااااالم
( لابعت سلامي لسالم )
يابحر العم تتوجع
تدلل ، بيلبقلك تتدلل ، رح يرجعوا
ولك إي عم يرجعوا
افرشلن قلبك عشطك
افرشلن رملك بقلبك
عملن بيت ببحرك تا يرجعوا
بس دللن ..دلن .دلي دل دلي ...
(دلعونة )
يابحر العم تتوجع
فيك توقف دمعاتك
وهيلا هيلا هيلا هيلا . ..
آه يا لادقية زمان وهيلا كمان
بحر ومركب و شوية شيلان
زمن اللادقية الحلو راجع
راجع على بلد الأمان
بيي طالع فايت عالدكان
سبيرو يوما كان مليان
لوادقة وسوريين وطليان
بس لازم ضل أذكر :
إنه البحر كبير وقلبه أكتر منه كبير
يا بحر حكيلي عن بلدي حكاوي من بحرك الكبير
يا بحر العم تتوجع بهيلا وهيلا وهيلا
والصيادة بقلبك تكسح الخير كتير من بحر كبير
وهيلا هيلا
بذكر :
ولك لا ، إسا البحر كبير ..
بذكر :
ولك لا ، إسا الخير كتير..
من البلد ، زرقة بحرا ، سمرة أرضا .
زنود رجالا بر وبحر .
يا ترى ..
بيرجع زمن اللادقية الجميل ؟
ولك إي ، وهيلا وهيلا ..
بيرجع زمن سوريا الجميل ؟
ولك إي ، وهيلا و هيلا ..
وهيلا هيلا من اللادقية
صوت وموال وغنية
تجمع أهل بلادي كلن تجمع كل السوريين
من أبن هاني و المينا
للمغربي حامينا
من الرمل لاااا الشيخضاهر
وعالصليبة ودينا
العصافيري ، وسبيرو ؟ والقهوة عالطابية
وأبو هاني شيخ المينا
لأبو زينب وأبو مينا
فريجو، و جيغا ، وعماد ...
"إي هات لك قلبة ياااااااااااااااااا" فهمنا
أخرا شي يا أخرا شي ...
ولك إي أنا لادقاني ،واقف عالزاوي
والبحر بيتي التاني
خلونا عالبحر سوا :يا منتسبح يا منكسح
وهيلا .. وهيلاااااااااااااااا
"صالح علي " علا الصوت
سمعوا القسام "عز الدين "
عطوا راية العز لجول ولحبيبتو جاكلين
حنا مينة هالبحار
وصلوا لكابي أفكار
لجول الحلو تذكار من الكلية للمينا
و المينا دارت فينا
وعبورسعيد تودينا
منرجع لجول جاكلين
ويلتقوا بعد سنين
وبعالم تاني حزين غنوا مع بعض :
فروقا عنه جول وعن جاكلين :
كان البحر كبير كتير وكنا نسبح فيه كتير
والجارة تحكي للجارة حكاوي حلوة كتير كتير ..
هيلا ،هيلا ، هيلا هيلا هيلا ..
وهيلا شوي هيلا هيلا
وسيا شوي هيلا هيلا
..ابن السما اللادقاني