الكرامة ـ زجل للشّاعر كمال رسلان

بدك عمر تا تعرفي مينو أنا
وليشو جبيني دوم شامخ مانحنى
وبدك تعرفي ليش تاجي من سنا
وليش الكرامة صار عندي موطنا
لازم لحتى تفهمي سر الشموخ
تدوقي خبز تنور أمي يا ضنا
***
قديش قالو بالكرامة وعددو
وعزة نفس وشموخ صارو يفندو
هيدا نبي وهيدا شقي ما أعندو
وهيدا عريش نعام صاير مقعدو
وهيدا على منبر حكي في مسجدو
والكل شامخ بس بعدو بمطرحو
وحدا الكرامة بتعشق اللي استشهدو
***
وقف ع تلة وصاح يا أمي اسمعي
وحياة عينك ما بغادر موقعي
أنتي ال زرعتي السنديان بأضلعي
وأنتي ال مزجتي بالكرامة
مرضعي
وبيي تلا آيات عز بمسمعي
خلا الوطن متل النفس عايش معي
وخلا الأرض شريان دمي وأدمعي
بقسم بزندك يا نبي ما بنحني
ورح ضل صامد يا أبي بي موضعي
كمال رسلان