تويت
? طريقة تعقيم تربة الاصيص من الامراض الفطريه و بيض الحشرات والنيماتودا :-
◾️ لو جبنا تربه زراعيه جديده عشان نزرع فيها او جبنا من المشتل اصيص والنبات اللي فيه مات وعايز اعيد استخدامه ، او لو هعيد زراعة نفس النبات فنفس التربه وخايف تكون التربه جه فيها مرض فطري من الزراعه السابقه وخايف تموتلي النبات لما ازرعه تاني فنفس الاصيص ، فمن الافضل اني اعمل للتربه دي تعقيم وتطهير لانها ممكن تكون مصابه بامراض فطريه او تكون بتحتوي علي بيض حشرات او نيماتودا ...
وطريقة تعقيم التربه فالمنزل سهله وبسيطه وامنه لانها مش بتعتمد علي اي مواد كيمائيه ضاره زي المطهرات الفطريه .
احنا بنعتمد طريقة تعقيم حراري باستخدام الماء المسخن لدرجة الغليان لقتل الامراض الفطريه وتطهير التربه منها ...
? خطوات تعقيم تربة الاصيص :-
======================
ا- بنجهز خليط التربه وبنضعه فالاصيص الخاص بيه لو بنجهز تربه جديده او بنعيد خلط التربه لو محتاجه اعادة خلط وبرضو بنعبيها فالاصيص بتاعها قبل عملية التعقيم
٢- بعد كده بنغلي كميه من المياه تكون مناسبه لكمية تربة الاصيص ... بمعني ان كمية المياه تكون كافيه عشان تسقي تربة الاصيص اللي هنعقمه بالكامل وتفيض كمان .
٣- بعد وصول المياه لدرجة الغليان بناخدها بحرص ونسقي بيها التربه سقي كامل لحد ما نشوف المياه بتخرج من فتحات صرف الاصيص
وانا بفضل اننا قدر الامكان نحاول نظبط كمية المياه بحيث انها تسقي التربه علي مره واحده ، عشان لو التربه مشربتش المياه المغليه بالكامل وكانت محتاجه تشرب مياه مغليه تانيه ، فالوقت اللي هنستغرقه عشان نغلي كميه تانيه من المياه هتكون المياه اللي فالتربه درجة حرارتها قلت ، فلما نسقي بالمياه المغليه الجديده ، دؤجة حرارتها هتنخفض عن درجة الغليان ما لا يقل عن ١٠ او ٢٠ درجه مره واحده ، ودي بتفقدنا ميزة التعقيم المثالي للتربه ...
.
٤- بعد سقي التربه لو متوفر طريقه لتغطية التربه عشان تحتفظ بالحراره يبقي افضل ، وان متوفرتش وسيلة تغطيه فمش مشكله
٥- بنسيب التربه يومين عالاقل بعد عملية التعقيم قبل ما نستخدمها للزراعه
? من مميزات طريقة التعقيم دي انها لتعقم كمان الاصيص مع التربه ، لان الاصيص كمان بممكن تلتصق بجدرانه الداخليه امراض فطريه ، عشان كده المشاتل المحترمه لما بتعيد استخدام الاصص اللي ماتت فيها نباتات قبل كده بيفضوا الاصص من التربه وبيغسلوا الاصيص كويس وبيعقموه بمحلول من الكلوروكس والماء لقتل اي امراض فطريه قد يكون الاصيص ملوث بيها
?◼️ معلومه جانبيه كده للتثقيف العام :
طرق التعقيم المخصصه للتربه متعدده ، منها التعقيم الكيماوي باستخدام مطهرات ومبيدات فطريه و دي فيها خطوره علي صحة اي كائن حي لخطورة المواد الكيماويه المستخدمه فالتعقيم
◾️وفي طرق تانيه زي طرق التعقيم الحراري
ومنها التعقيم الشمسي و ده بيستخدم للاراضي الزراعيه وشرحناه فالبوست السابق
◾️وفي طريقة التعقيم بالبخار لان البخار بيكوت شديد الحراره و دي طريقه بتستخدم فالدول المتقدمه ومكلفه ومحتاجه اجهزه خاصه
◾️وفي الطريقه اللي ذكرنا بالطبع بتاعة المياه المغليه وهي ارخص وانسب واسهل وانضف طريقه لتعقيم التربه
◼️ احمد فوزي الطبلاوي▪️
◾️ لو جبنا تربه زراعيه جديده عشان نزرع فيها او جبنا من المشتل اصيص والنبات اللي فيه مات وعايز اعيد استخدامه ، او لو هعيد زراعة نفس النبات فنفس التربه وخايف تكون التربه جه فيها مرض فطري من الزراعه السابقه وخايف تموتلي النبات لما ازرعه تاني فنفس الاصيص ، فمن الافضل اني اعمل للتربه دي تعقيم وتطهير لانها ممكن تكون مصابه بامراض فطريه او تكون بتحتوي علي بيض حشرات او نيماتودا ...
وطريقة تعقيم التربه فالمنزل سهله وبسيطه وامنه لانها مش بتعتمد علي اي مواد كيمائيه ضاره زي المطهرات الفطريه .
احنا بنعتمد طريقة تعقيم حراري باستخدام الماء المسخن لدرجة الغليان لقتل الامراض الفطريه وتطهير التربه منها ...
? خطوات تعقيم تربة الاصيص :-
======================
ا- بنجهز خليط التربه وبنضعه فالاصيص الخاص بيه لو بنجهز تربه جديده او بنعيد خلط التربه لو محتاجه اعادة خلط وبرضو بنعبيها فالاصيص بتاعها قبل عملية التعقيم
٢- بعد كده بنغلي كميه من المياه تكون مناسبه لكمية تربة الاصيص ... بمعني ان كمية المياه تكون كافيه عشان تسقي تربة الاصيص اللي هنعقمه بالكامل وتفيض كمان .
٣- بعد وصول المياه لدرجة الغليان بناخدها بحرص ونسقي بيها التربه سقي كامل لحد ما نشوف المياه بتخرج من فتحات صرف الاصيص
وانا بفضل اننا قدر الامكان نحاول نظبط كمية المياه بحيث انها تسقي التربه علي مره واحده ، عشان لو التربه مشربتش المياه المغليه بالكامل وكانت محتاجه تشرب مياه مغليه تانيه ، فالوقت اللي هنستغرقه عشان نغلي كميه تانيه من المياه هتكون المياه اللي فالتربه درجة حرارتها قلت ، فلما نسقي بالمياه المغليه الجديده ، دؤجة حرارتها هتنخفض عن درجة الغليان ما لا يقل عن ١٠ او ٢٠ درجه مره واحده ، ودي بتفقدنا ميزة التعقيم المثالي للتربه ...
.
٤- بعد سقي التربه لو متوفر طريقه لتغطية التربه عشان تحتفظ بالحراره يبقي افضل ، وان متوفرتش وسيلة تغطيه فمش مشكله
٥- بنسيب التربه يومين عالاقل بعد عملية التعقيم قبل ما نستخدمها للزراعه
? من مميزات طريقة التعقيم دي انها لتعقم كمان الاصيص مع التربه ، لان الاصيص كمان بممكن تلتصق بجدرانه الداخليه امراض فطريه ، عشان كده المشاتل المحترمه لما بتعيد استخدام الاصص اللي ماتت فيها نباتات قبل كده بيفضوا الاصص من التربه وبيغسلوا الاصيص كويس وبيعقموه بمحلول من الكلوروكس والماء لقتل اي امراض فطريه قد يكون الاصيص ملوث بيها
?◼️ معلومه جانبيه كده للتثقيف العام :
طرق التعقيم المخصصه للتربه متعدده ، منها التعقيم الكيماوي باستخدام مطهرات ومبيدات فطريه و دي فيها خطوره علي صحة اي كائن حي لخطورة المواد الكيماويه المستخدمه فالتعقيم
◾️وفي طرق تانيه زي طرق التعقيم الحراري
ومنها التعقيم الشمسي و ده بيستخدم للاراضي الزراعيه وشرحناه فالبوست السابق
◾️وفي طريقة التعقيم بالبخار لان البخار بيكوت شديد الحراره و دي طريقه بتستخدم فالدول المتقدمه ومكلفه ومحتاجه اجهزه خاصه
◾️وفي الطريقه اللي ذكرنا بالطبع بتاعة المياه المغليه وهي ارخص وانسب واسهل وانضف طريقه لتعقيم التربه
◼️ احمد فوزي الطبلاوي▪️