تويت
? ازهار بعض نباتات الخضر المثمره بتكون خنثي ، يعني الزهره اللي بتخرج منها الثمره بتكون مذكره ومؤنثه في نفس الوقت .
? وبعض نباتات الخضروات المثمره الاخري زي الكوسه مثلا ، بتكون فيها ازهار مذكره وازهار مؤنثه ... الازهار المذكره وظيفتها حمل حبوب اللقاح ، والازهار المؤنثه بتكون وظيفتها انها بعد ما تتلقح بحبوب اللقاح تنتج الثمره ...
? المشكلة ان في الاشهر شديدة الحراره من السنه النباتات بتتأثر بالحراره الشديده فبتحصل ظاهره عجيبه جدا مع بعض النباتات وهي ان اغلب الازهار اللي بتنمو عالنبات بتكون مذكره لذلك الانتاج طبعا بيقل لان الازهار المؤنثه اللي بتحمل الثمار بتكون قليله او معدومه
? وكذلك للاسف الازهار الخنثي زي ازهار الطماطم ، بيحصل تشوه للجزء الانثوي في الكثير من الازهار نتيجة ارتفاع درجة الحراره مما يجعل الانتاج قليل ايضا
??و الحلول لتلك المشكله تكون كالاتي :-
≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
١- محاولة خفض درجة الحراره باستخدام طرق التظليل المختلفه والممكنه علي النباتات .
٢- وبالنسبه للمزارعين اللي بيزرعوا للتجاره يجب استخدام اصناف من البذور اللي بتكون هجينه ومعروف انها قادره علي مواجهة الحراره بدون حظوث مشملات الازهار السابق ذكرها .
٣- وايضا استخدام الصوب المكيفه في حالة وجود امكانيه لذلك