بنت الحلا ـ للشّاعرة الغرّيدة رباب علي

ماشي لحالو ..والطريق طويل
عم يذكر الماضي بهاك العيد
يوم الْ لِ راح بعيد..
تارك بعينين القلب
دمعة وألف تنهيد..
قهر وندم كان التمن
مش عارف ان طال الزمن.
ون راد ليها يعود..
درب اللقا مسدود..
وماعاد شي بيفيد
وصدفة لمح قدّا الحلو
مطرح م كانو يلتقو..عالعين..
وبلّش حنينو يسألو..
والشوق بعدو بأولو..
هيدا الحلا من وين؟؟
معقول هي هيي؟؟
لا لا كذب..
مرّ العمر فيّي..
وشاب النظر .ياحسرتي
والعين مطفيّة..ي
معقول هي هيي..
لا لا كذب..
وكل ما لصوبا يقترب
هالشوق عم بيزيد
إنتي حلا؟؟
قالا بهمس
والصوت عم يرجف
هيي امبلا..
بنت الشمس..
والروح عم تهتف
إنتي حلا..؟؟
دارت بوجّا عليه..
وسبحان ربي مَجْملو
رقّة وحسن ماليه.
ماعاد فيه يشوف..
وتخرسنت لحروف
ضاع الحكي ..
بغمرة ت بكي
من شهقة ت الملهوف
يا وجّها المتل القمر
م بينشبع منو نظر
رقّص ترانيم القدر
عامسرح التغريد
أيّ حلا
عم تسأل عليها؟؟
ونظرة ت حزن
فاقت بعينيها
لبعيد راحت هالحلا ي عميم
شلحت ربيعا عالزهر..
لبست قميص الغيم..
تركت ..على غيابا قهر
ومجبور قلبي ع الصبر
مجبور عالتسليم..
ربي قضى..وكان الأمر..
عنّي حنانا يغيب
هيك القدر بيريد
بنت الحلا هيّي أنا
باقي بقلبي مسكنا
ودرب الحياة الْ لِ انتهى فيها
وعشقان ماضيها..
عزّ الفراق عليه
وخجلان يرميها..
من هيك حتّى يشوفها قبالو
وعن طيفها م يحيد
فيي ابتدا من جديد
...رباب....