هذا ليس غليونا

هذا ليس غليونا
لوحة غليون(بايب) رسمها الرسام رينيه ماغريت صاحب لوحة (ابن الانسان) ....في البوست السابق الخاص بالسريالية
///////////////////////////
علشان بس نفهم دماغ الفنان السريالي ده ونقدر نفهم ومحلل اللوحة...
رينيه ماغريت كان دائما بيحب يجعل لوحاته غامضة وبيطلب منك انك تتاملها وكان يحب ما يسمع منك سؤال ما معنى هذا...وإجابته كانت (هذا لا شئ...ليس له معنى...أنه الغموض...) معنى الكلام أن الراجل بيقولك زي اي فنان سريالي اقفل عقلك وحس أشعر بالشئ اللي انت بتشاهده
----------------------------
اللوحة دي اسمها (خيانة الصورة)... رسم فيها غليون وكتب على. الصورة (هذا ليس غليونا)...وده دفع كل الناس للشعور بالحيرة والسؤال..هل في حد لعب في اللوحة أو كتب الكلام ده علشان يبوظها ولا ايه؟
لكن الراجل أجاب على الموضوع ده وقال (هذا غليون على لوحتي...هل يستطيع أحد أن يدخنه من اللوحة؟...بالطبع لا...إذا هذا ليس غليون)...بس كده???
حقيقي ده كان رده...وطلب نرجع لأصل العنوان وهو (خيانة الصورة)...الموضوع سهل وبسيط بس متحاولش تفهم ومتحاولش تاخد الأمور على أنها بديهيات
"إذا وجد المتفرج أن لوحاتي هي نوع من التحدي “للبديهيات التي تبدو صحيحة”، فإنه سيدرك شيئًا واضحًا. وبالنسبة لي أريد أن أضيف أن العالم في صميمه يمثل تحديًا لكل ما هو بديهي”...
كان مؤمن بمقولة فيكتور هوغو «نحن لا نرى سوى جانب واحد من الاشياء...أن الجانب الآخر هو ما احاول التعبير عنه)...بلاش تبص من جانب واحد وتقفل دماغك
&&&&&&&&&&&&
دي فرشة بسيطة كده علشان نحاول ندخل جوا دماغ الراجل
١-ركز في العنوان
٢-اول تفسير يجئ في دماغك ارميه وبص للموضوع من الناحية التانية
٣-شوف انت حسيت بايه ولقيت نفسك ازاي