الهنهونة " هي مجموعة ترانيم شعبية معروفة بالمجتمع السوري

" الهنهونة " هي مجموعة ترانيم شعبية معروفة بالمجتمع السوري و منتوارثها جيل بعد جيل و كتير منها كانت امهاتنا تغنينا ياها من نحن و صغار ..

و الهنهونة مشتقة لغوياً من كلمة " هنن" و هي كلمة فصحة تعني هنن و حنن و بتعني تهدئة الاطفال حتى يناموا .

و من الهنهونات الحلوة اللي كانت مرافقتني و بتذكرني بوقت كنت ساعد امي بخض اللبن بالجرة لنطالع زبدة ..و نحس انه ما بتظبط معنا الخضة اذا ما غنيناها هي :

"خض خضيضة يا ملاح: جيب السمنة للفلاح

جيبوا السمنة خضّوا: ولأحمد لا تطعمّوها

روحوا طعموه لسعيد: وخليه ينام ويرتاح".

طبعا كنا نغير الاسماء بحسب مين موجود و اغلب الوقت تكون السمنة من نصيبي :/ و كنا نتقاتل مين بدو يشرب ( الشنينة ) و هي اللي بيسموه كمان لبن عيران ..بس انه شحاروا احمد شو قولكن بيكون عامل لحتى ما بدهم يطعموه ؟؟

تنويه مهم: اذا كان الك رأي تاني كتبه بلا ما تقرر انه اللي كتبته انا غلط....


وفاء حسن ??