تويت
طلطل نيسان وزهّر
ضحكوا اللوزات
ولوّن تشكيلة حلوة
بين الزيتون
وفاق الدوري والجوري
مع الوردات
وفاح بهالكون وغنّى
زهر الليمون
وع مروج الخير الخضرة
راحو النحلات
من زهرة لزهرة يغطوا
يبوسوا ال غصون
والزعتر جن جنونو
غطى التلات
والحميضة والزوفا
وزهر العيرون
وبين التلة والوادي
طافوا النبعات
وأحلى مواويل يغنوا
مع الحسون
صيفية وحلوة الضيعة
بكل الأوقات
يا عيني العيشة فيها
أحلى ما يكون
تفضل شرّفنا زيارة
شوف القعدات
بتنسى الدنيا ومافيها
بتعيشا جنون.
********
*هيثم وطفة
أبو علي
تعليق