تويت
السينما السورية في #تاج
فايا يو نان
عشق نوران للسينما حكاية. امرأة سورية في ثلاثينيات واربعينيات القرن الماضي تهوى السينما وعالم الأفلام. هالشي بيكسر الصورة النمطية للنساء بهديك الحقبة وبيعرّفنا قديش المجتمع الدمشقي فيه تنوّع وتشّعب بالخلفيات الاجتماعية والبيئات الثقافية. شخصياً لما قريت عن نوران صار عندي فضول اعرف اكتر عن بدايات السينما السورية وحابة شارككم شوي.
*
نزيه الشهبندر صاحب السينما الموجودة بمسلسل تاج، هو شخصية تاريخية حقيقية. مُخرج ومُنتج ومصوّر سوري من مواليد دمشق عام 1913. الاستديو الخاص فيه كان في باب توما بدمشق القديمة وجهزه بمعدات للتصوير والإضاءة والطبع والتحميض ويُعتبر الشهبندر من رواد ومؤسسين السينما في سوريا والعالم العربي.
*
-في مشهد بيكون نزيه عميحكي لنوران عن فلم بده يعمله عن مركبة فضائية ونوران بيكون راسها مشغول وبتقله مو وقته هالحكي. هاد الفلم بالفعل تم انتاجه بعام 1948 وهو أول فلم سوري ناطق. بيحكي عن عالِم اجى بمركبة فضائية على كوكب الارض بهدف يتعلم القيم الانسانية من البَشر ولما يكتشف حجم الشر الموجود بيقرر يغادر. اسم الفلم "نور وظلام" وشارك فيه نخبة من ممثلين من سوريا ولبنان وتقدّم فيه اغاني وموسيقى ايضاً.
*
-في مشهد تاني بيقول نزيه لنوران بدي ياكي بطلة فلمي الجديد وبتقله نوران "بدك الشام كلها تقوم عليي؟" بالفعل وقتها ما كان مُرّحب بفكرة انه امرأة سورية تمثّل بفلم. في عام 1928 تم انتاج "المتهم البريء" اول فلم روائي سوري (صامت) للمخرج أيوب بدري. يعني بعد سنة فقط من انتاج اول فلم طويل بمصر. المفاجأة كانت انه بعد ما صار الفلم جاهز للعرض اجى قرار من الرقابة بمنع عرضه. بطلة الفلم كانت سورية ورجال الدين احتجّوا على وجود فتاة مُسلمة وغير محترفة بالفلم واعتبروه اخلال بالأمن العام. شركة الانتاج "حرمون فيلم" اضطرت تعيد كل المشاهد يلي بتظهر فيها البطلة واستبدلوها براقصة المانية. يُقال انه ثمن تكاليف اعادة التصوير كانت باهظة لدرجة انه الشركة
أفلست بعد اطلاق الفلم.
*
شكراً للكاتب عمر أبو سعدة على هذا النص الرائ
قام بدور نزيه الفنان الجميل محمد زرزور
الصور بعدسة المصور أحمد الحرك
#سامر_البرقاوي #عمر_أبو_سعدة #تيم_حسن #بسام_كوسا #مسلسل_تاج #نوران