وحده من عادات ستي بليلة رمضان كانت تستقبل أول تلفون من أبي وتطمني على عمتي

وحده من عادات ستي بليلة رمضان كانت الله يرحمها تستقبل أول تلفون من أبي الله يرحمه بعد مايثبتوها أنو بكره رمضان أول سؤال تسأله ياه لأبي بعد ماترضى عليه وعلى ولادو بكل صوت حنون دئيت لأختك لك أبني قبل رمضان واطمنت عليها شفت اذا ناقصها شي يرد عليها رح دئلها أمي بس الحمد لله أختي مو لحالها الله يخليلها جوزها وولادها شو رح تحتاج مني يعني ترد عليه بصوت حنون لك أمي واذا اختك متجوزه أصحك تقول اختي جوزها مجبور فيها حتى لو كان جوزها مكفيها و موفيها خليك متأكد أنو اختك بحاجتك حتى لو كانت عايشة بقصر والله وصاك فيها يعني حتى لو كانت اختك مو متجوزه لازم تحكي معها وتسألها إذا لازمها شي وتطمن عليها وتسلم عليها حتى لو كنت عايش معها ببيت واحد راح يطير عقلها من الفرح اذا تحركشتها بتلفون وئلتلها حبيت أسمع صوتك يا أختي وشوف اذا ناقصك شي ساعتها رح تحس انو وراها جبال مو بس رجال الله يرضى عليك دير بالك على اختك ولا تخليها تحتاج حدا حتى لو كان جوزها موجود انت مجبور فيها اكتر منه