تويت
شفتو بعيني........هالشحرور
غارت منو............الزرزوره/ا
بيلف شمالا وبيدور
قصدو ياخدلا.........صوره/ا
حدن فرّو جوز...........حجال
مانن عالخاطر و...........البال
قالتلو هيدا..............المحتال
أخدا يْطبّو...........بالجوره/ا
الشحرور
شو بدِّك أحلا من..........هيك
عاملك سيقاني...........دويك
وقلتيلي بنظرة..........عينيك
بنسى كل ال..........معمورا/ا
الزرزورة
مبارح مرقو فراخ.........البط
عالغيره بلشت...............تنط
لو ما بالي عليك...........يمط
كنت تركتك.........مجبوره/ا
الشحرور
نقورتي كل...............التينات
بطعميك وبتقولي.........هات
مبارح مع فرح..........الوزّات
ماتركتولي............هرهوره/ا
الزرزورة
شفت بعيني ال....الفرايه/ي
مَ تطعميها...........محلايه/ي
وللرايح غيري...........وجايي
بتطلع متل ل.......النافوره/ا
الشحرور
عَ راسي حاجي........ت نقّي
هالبحصه بتمك.............بقّي
كنتِ مبارح................تسلَقّي
أحلا حَبَّة...............بندوره/ا
الزرزوره
قرب حدي وحاجي......تجن
واعملي بحضك..........بوحن
خلي صوتك حدي.........يرن
ورح ترضيك.........التنوره/ا
الشحرور
شو بحبك يا.......زكزوكه/ي
عروة بقلبي........محبوكه/ي
رح طعميكي.....المفروكه/ي
وبعدا فطيره.....بحرحوره/ا
الزرزوره
محلا غناجك يا......شحرور
حبك لَ قلبي.............مندور
مهما تلف ومهما...........تدور
رح ترجع لَ.........الزرزوره/ا
الشحرور
عم رفرفلك............بجناحي
طبي تحتو.............بترتاحي
عليك لو شلت..........سلاحي
انت بقلبي...........محفوره/ا
يضرب الحب شو بيذل
مفيد
