ياسر العظمة يشكو ردّ الفعل العربي

علّق الفنان السوري القدير ياسر العظمة بطريقته الدرامية على حال العالم العربي من وجهة نظره، في خضم الحرب الإسرائيلية الدامية على غزّة في فلسطين.
ورأى في فيديو نشره على حساباته في شبكات التواصل الاجتماعي، أنّ العالم العربي لا يبادر بأي ردّ فعل تجاه كل ما يتعرّض له من نكبات. وقال: "منقعد نحن العرب منحكي ومنتسلى ومنثرثر بالسياسة والاقتصاد والتربية وكل شي، وبيتضحلنا أن البلد رح تطير من بين أيدينا ونحن عم نقول لنشوف شو رح يصير"
وأضاف صاحب سلسلة "مرايا": "بحذرونا من زلزال قادم أو عاصفة هوجاء أو فيضان أو طوفان ونحن عم ننتظر ونقول: لنشوف شو رح يصير، بقولولنا رح نساوي شرق أوسط جديد بقولوها علناً بيدحشوا تمهم بآذاننا وبيصرخوا: رح نساوي شرق أوسط جديد.. نحن منفتح تمنا ومنرخي حنكنا ومنقول: لنشوف شو رح يصير".
وتابع الممثل الدمشقي: "بقولولنا رح نعمل صومال جديدة ببلادكم رح نسعى لإيجاد فوضى خلاّقة ونحن عم نقول: ايه لنشوف شو رح يصير".
وأردف: "بهدّدونا بتقسيم بلادنا بقولولنا ها مو لغيرنا جهاراً نهاراً بالصحافة والإعلام المرئي والمقروء والمسموع والأقمار الصناعية وجميع وسائل الإعلام رح نساوي كذا وكذا، بشرحوا خططهم السرّية دون تحفظ ولا مواربة ولا خجل بقلهم رح يخربوا ويدمّروا ويقتلوا ويفجّروا ويسرقوا وينهبوا ويزعزعوا الاستقرار ونحن منقول: ايه لنشوف شو رح يصير".
وختم ياسر العظمة: "مارح يصير أكتر مما صار فات الدب للكرم بمعرفة منا وبعلم وأنتو بتعرفوا بقية الفيلم وإنا لله وإنا إليه راجعون"