تويت
Fatma Youssef حلاوة وذكريات زمان
النهاردة الصبح العربية اللي كنت راكبها كانت ناقصة واحد والسواق لطعنا بتاع نص ساعه عشان يطلع كامل وبعد شوية جه راجل كبير رجله مكسوره وماشي علي عكاز وركب وطلعنا ولما السواق قال الاجرة الراجل الكبير قال " ممعييش يا ولادي حد يدفعلي الاجرة " الغريبة انه محدش في العربية كلها رد عليه ولا حتي السواق والناس لمت الاجرة والسواق بيعدها لقي فيها أجرة ستة ركاب زيادة فضحك وقال " انا القي جنيه ولا اتنين زيادة لكن 6 ركاب زيادة مرة واحدة " طلع إن ف ستة اشخاص بالعربية تقريباً دفعوا أجرة راكب زيادة ومردوش يحرجوا العجوز ويقولوا له دفعنالك .من غير ما حد فيهم ينطق ويقول أنا هدفعلك ي حج الاحلي بعدها لما السواق عرف ان الناس دي كلها دفعتله وقال " وانا يعني مليش ثواب زيكم " وطلع الأجرة الزيادة اللي الناس دفعتها واداها للراجل الكبير الرسول صل الله عليه وسلم قال في النوع (( يستظل في عرش الرحمن من حر يوم القيامة "رجل تصدق بصدقة فاخفاها حتي لا تعلم شماله ما تنفق يمينه " )) "والذين في اموالهم حق للسائل والمحروم " اللي بيطبطبوا علي قلوب الناس ربنا بيطبطب علي قلوبهم.
قال النبي الأكرم محمد صلى الله عليه وآله وسلم " أكثروا الصلاة علي فإن الصلاة علي نور في القبر ونور في الصراط ونور في الجنة*...........
والله الدنيا رغم مرارتها فيها_حاجة_حلوة
