تويت
شخصية والتر وايت في بريكنج باد، بديهيًا يعني، عميقة جدًا ومعقدة لأن المسلسل درامي بالدرجة الأولى ومعتمد في الأساس على تصاعد الأحداث بشكل بطيء لكن يميل للأسوأ تدريجيًا insidious. دا السبب الرئيسي في شعور الناس بالملل، إنهم مش متعودين على إن الأحداث في الدراما والـhigh fantasy محتاجة وقت كتير وطبقات بالإضافة لإن تأثير الشخصيات فيك محتاج تعود وألفة وعشرة سواء بهدف إنك تحبهم أو تكرههم. تطور الإنسان وتغيره نفسيًا وأخلاقيًا مسألة مش سهلة ومش من موقف واحد ولا خلال أيام هاينفع دا يحصل.
بغض النظر عن المقدمة دي، ولأني مجرد هاو، فأنا هاقول حاجة استشفيتها بنفسي مش لأني خبير لكن لأنها حاجة سهل على اللي بيركز في التفاصيل يشوفها. بعد تاني مشاهدة لبريكنج باد أنا أدركت إنه مصاب بواحد من أنواع التوحد، وهو Asperger's. حالة أخف وطأة من التوحد نفسه autism لكن ليها أعراض واضحة وأول واحد لفت نظري هو كلامه مع أسرته وقت ما كانوا مستنيين هانك في المستشفى، طريقة السرد والوصف كانت شخصية جدًا وفيها تجاهل تام لمشاعر الحضور لأنه اتكلم عن أمور زي الموت وعدم الخروج من التخدير ومسائل تانية على مسمع ماري كانت مرعبة. في أعراض تانية اتضحت بعد كدا زي الاهتمام المفرط بالتفاصيل لحد الهوس زي حلقة الدبانة وحفظه لتفاصيل شخصية واهتمامه بحاجات مالهاش أي لازمة، بجانب كدا النوبات اللي كان بيمر بيها ويسمع صفير في ودانه وحركته الطائشة المرتبكة في مواقف كتير.
لكن العيب الأكبر hamartia في شخصية والتر هو الغرور hubris. من بين كل الحاجات اللي سببت مشاكل له في المسلسل بما في ذلك طبخ المخدرات وبيعها، غروره واعتداده بنفسه كان أحد أول وأهم أسباب انحداره ناحية الهاوية ودا يتجلى في المشهد المرفق في الصور دي. والتر قتل ناس كتير خلال المسلسل ومع الوقت أصبح قاتل أفضل مع الاحتفاظ ببعض الفوضوية نظرًا لحالته النفسية، لكن غروره في المشهد دا شبيه جدًا وبشكل مخيف لغرور القتلة المتسلسلين ورغبتهم الجامحة في إن الثناء credit يروح ليهم على الجرائم اللي ارتكبوها. عالم والتر وايت بدأ ينهار لما هو اتنفخ على الفاضي ودا شيء مايك نفسه هيكلمه فيه بعد كدا بلهجة حادة. سبب شعبية المسلسل مش بس كتابته وإخراجه وموضوعه المثير للاهتمام لكن تحول الشخصيات المذهل اللي أبرزها طبعًا جيسي ووالتر وتقلباتها زي تقلبات سكايلر. أعراض والتر المتعددة موجود منها درجات متفاوتة في كل واحد فينا.
بغض النظر عن المقدمة دي، ولأني مجرد هاو، فأنا هاقول حاجة استشفيتها بنفسي مش لأني خبير لكن لأنها حاجة سهل على اللي بيركز في التفاصيل يشوفها. بعد تاني مشاهدة لبريكنج باد أنا أدركت إنه مصاب بواحد من أنواع التوحد، وهو Asperger's. حالة أخف وطأة من التوحد نفسه autism لكن ليها أعراض واضحة وأول واحد لفت نظري هو كلامه مع أسرته وقت ما كانوا مستنيين هانك في المستشفى، طريقة السرد والوصف كانت شخصية جدًا وفيها تجاهل تام لمشاعر الحضور لأنه اتكلم عن أمور زي الموت وعدم الخروج من التخدير ومسائل تانية على مسمع ماري كانت مرعبة. في أعراض تانية اتضحت بعد كدا زي الاهتمام المفرط بالتفاصيل لحد الهوس زي حلقة الدبانة وحفظه لتفاصيل شخصية واهتمامه بحاجات مالهاش أي لازمة، بجانب كدا النوبات اللي كان بيمر بيها ويسمع صفير في ودانه وحركته الطائشة المرتبكة في مواقف كتير.
لكن العيب الأكبر hamartia في شخصية والتر هو الغرور hubris. من بين كل الحاجات اللي سببت مشاكل له في المسلسل بما في ذلك طبخ المخدرات وبيعها، غروره واعتداده بنفسه كان أحد أول وأهم أسباب انحداره ناحية الهاوية ودا يتجلى في المشهد المرفق في الصور دي. والتر قتل ناس كتير خلال المسلسل ومع الوقت أصبح قاتل أفضل مع الاحتفاظ ببعض الفوضوية نظرًا لحالته النفسية، لكن غروره في المشهد دا شبيه جدًا وبشكل مخيف لغرور القتلة المتسلسلين ورغبتهم الجامحة في إن الثناء credit يروح ليهم على الجرائم اللي ارتكبوها. عالم والتر وايت بدأ ينهار لما هو اتنفخ على الفاضي ودا شيء مايك نفسه هيكلمه فيه بعد كدا بلهجة حادة. سبب شعبية المسلسل مش بس كتابته وإخراجه وموضوعه المثير للاهتمام لكن تحول الشخصيات المذهل اللي أبرزها طبعًا جيسي ووالتر وتقلباتها زي تقلبات سكايلر. أعراض والتر المتعددة موجود منها درجات متفاوتة في كل واحد فينا.