تويت
فرانز كافكا – Franz Kafka – ( پراج 3 يوليو 1883 – كيرلينج (النمسا) 3 يونيو 1924)...كاتب تشيكي يهودي كتب بالألمانية، رائد الكتابة الكابوسية. يعد أحد أفضل أدباء الألمان في فن الرواية والقصة القصيرة..
كان له إسلوب كتابي فريد بتطغى عليه العبارات الطويله المعقده التركيب ولكن واضحه ودقيقه جداً، ومواضيع مميزه عن عالم حقيقي لكن في نفس الوقت مليان أحلام و كوابيس وصراعات نفسيه داخليه بتعبر عن قلق وعزلة إنسان القرن العشرين وتهميشه وتحجيمه.
حياة كافكا الخارجيه وإتصاله بالمجتمع اللي حواليه كانوا عاديين جداً بعكس شخصيات رواياته اللي كات محاصره إجتماعياً وعايشه في كوابيس وصراعات داخليه بتحاول انها تتخلص منها. كافكا إتولد في عيله يهوديه مش متزمته وعاش عادي ودخل جامعه براغ ودرس فيها الحقوق واشتغل في شركة تأمين. الصراعات النفسيه و الكوابيس اللي ظهرت في رواياته وقصصه كات مرتبطه بعلاقته بأبوه المتسلط وعلاقاته العاطفيه الفاشله وشغله الممل في مكاتب التأمين.
كافكا مانشرش مؤلفات كتيره في حياته وأعظم رواياته زى " المحاكمه Der Prozess " و " القلعة Das Schloss " اتنشروا سنة 1925 و 1926 بعد وفاته وده كان بفضل صاحبه المقرب "ماكس برود" اللي ما حرقهومش زي كافكا ماكان وصاه. لكن نسخ مؤلفاته اتعرضت للحرق على إيد هتلر والنازي بعد كده.
"المحاكمه" (اتنشرت 1925) و "القلعة" (اتنشرت 1926) و "أمريكا" (اتنشرت 1927) و "التناسخ" (1916) و "طبيب القريه" (1919) بيعتبروا أهم رواياته وقصصه.
http://www.almooftah.com/wp-admin/po...edit&message=6