تويت
أليسار عمران// سورية
_بْتذكر_
بْتُذكرْ وقت مانْسيتْ
صَابيعكْ معي
باالإيدْ
وْغرقتْ بِعيوني
وِقفْنا عَلى الْغيمة سوى
ويا روعة التغريدْ
والنّاس ظَلموني!!
تْمنّيت سلِسال الوعي
لمّا انفلَتْ
عَ الجيدْ
يغرب عن ظنُوني
يا خَجلتِي بْوقْت
الْغفِت الِعيونْ
تِتْطلّع
صارتْ إيدينا مْشبّكة
والنّاس تِتْجمّع
وْطلّت مَرَا من بْعيد
شَلحِتْ على كِتفي الشّتي
وتخمّروا عْناقيد
والْخدّ ليموني
وْعرْبش على قلبِي البكي
بْعينيك صِرت ملبّكة
وتكّسر القرْميد
من يومْ ما زْرعت السّما بْعيون
ماعاد فلّ الْعيد
تْخبّيت بْجفوني